साईमत जळगाव प्रतिनिधी
तालुक्यातील नशिराबाद येथे महामार्गावर आयशरने दिलेल्या धडकेत दुचाकीस्वार दाम्पत्याचा मृत्यू झाल्याची घटना आज सकाळी घडली.
यासंदर्भात पोलीस सूत्रांनी दिलेली माहिती अशी की, आज सकाळी 10.30 वाजेच्या सुमारास एमएच 19 एए 2095 क्रमांकाच्या दुचाकीला भरधाव आयशरने उडविले. नशिराबादजवळ असलेल्या महाजन हॉटेलच्या जवळ हा अपघात घडला. या भीषण अपघातात शेनफडू बाबूराव कोळी ( रा. सामरोद, ता. जामनेर ) आणि भारती शेनफडू कोळी ( रा. सामरोद, ता. जामनेर ) या दाम्पत्याचा मृत्यू झाला. तर सुदैवाने त्यांचा रूद्र हा तीन वर्षाचा मुलगा बचावला आहे.
अपघाताची माहिती मिळताच परिसरातील नागरिकांनी घटनास्थळी धाव घेतली. मृत शेनफडू कोळी हे नशिराबादमार्गे जामनेर आणि सामरोद येथे जात असतांना झालेल्या अपघातात दोघ पती-पत्नी ठार झाल्याने वरील घटनेची नोंद नशिराबाद पोलिसात करण्यात आली आहे.
