साईमत / न्यूज नेटवर्क / धुळे
धुळे जिल्हा न्यायालयाच्या नवीन इमारतीचा कोनशीला अनावरण व भूमिपूजन समारंभ शनिवार, 27 जुलै, 2024 रोजी सायंकाळी 5.30 वाजता जिल्हा न्यायालयाच्या नूतन इमारतीचे प्रांगण, महात्मा फुले यांच्या पुतळ्यासमोर, धुळे येथे संपन्न होणार आहे.
नवीन इमारतीचे भूमिपूजन मुंबई उच्च न्यायालयाचे मुख्य न्यायमूर्ती देवेंद्र कुमार उपाध्याय यांच्या शुभहस्ते होणार आहे. या कार्यक्रमास मुंबई उच्च न्यायालयाचे न्या. रविंद्र घुगे हे प्रमुख अतिथी म्हणून उपस्थित राहणार असून मुंबई उच्च न्यायालयाचे न्या. सारंग कोतवाल, न्या. नितीन सूर्यंवशी, न्या. संजय मेहरे, न्या. शैलेश ब्रह्मे यांच्या प्रमुख उपस्थितीत तसेच धुळेच्या प्रमुख जिल्हा व सत्र न्यायाधीश श्रीमती माधुरी आनंद यांच्या अध्यक्षतेखाली संपन्न होणार आहे.
या नूतन इमारतीच्या भूमीपूजन व कोनशीला अनावरण समारंभास अधिकारी, कर्मचारी, वकील, नागरीक, माध्यम प्रतिनिधी यांनी उपस्थित रहावे, असे आवाहन धुळे जिल्हा न्यायाधीश-१ श्री शंकर भदगले, धुळे वकील संघाचे अध्यक्ष ॲड राहुल पाटील यांनी केले आहे.
