Author: saimat team

फैजपूर ः प्रतिनिधी मयत झालेल्या हिंदू कोरोना रुग्णाचे लांबवर असलेले नातेवाईक वेळेवर पोहचू शकत नसल्याने फैजपूर शहरातील मुस्लिम तरुणांनी मयत व्यक्तीचे पार्थिव न्हावी ग्रामीण रुग्णालयातून हलविण्यापासून तर स्मशानभूमीत पोहचवत अंत्यविधीसाठी सहकार्य करून माणुसकीचे एक अनोखे दर्शन घडविले. यावेळी रुग्णालयात केवळ मयताची पत्नी, शालक उपस्थित होते. या शालकाने अग्निडाग देवून सोपस्कार पूर्ण केले. भालोद, (ता.यावल) येथील ६० वर्षीय इसमाला कोरोनाची लागण झाली होती. त्याला अत्यवस्थ स्थितीत बुधवारी सकाळी ११ वाजेच्या सुमारास न्हावी ग्रामीण रुग्णालयात उपचारासाठी दाखल केले असता त्यांची डॉ. अभिजित सरोदे यांनी तपासणी करून मृत झाल्याचे त्यांनी घोषित केले. दरम्यान, मृत व्यक्ती सोबत यावेळी केवळ त्याची पत्नी उपस्थित होती. तर…

धानोरा, ता. चोपडा ः वार्ताहर आज प्रामाणिकपणा संपलेला नाही. त्यातील उत्तम उदाहरण म्हणजे धानोरा (ता.चोपडा) येथील तरुण शिक्षक पत्रकार प्रशांत सोनवणे यांना येथील सेंट्रल बँकेत जास्तीचे मिळालेले ५० हजार रुपये क्षणाचा विलंब न करता त्यांनी लगेच परत केले.त्यांच्या या प्रामाणिकपणाचे परिसरात कौतुक होत आहे. धानोरा येथील पत्रकार व श्री समर्थ रघुनाथबाबा माध्यमिक व उच्च माध्यमिक विद्यालयातील शिक्षक प्रशांत सोनवणे यांचे गावातच ग्राहक सेवा केंद्र आहे. त्या निमित्त बँकेत नेहमीच ये-जा असते. दि.१७ रोजी दुपारी १ वाजता बँकेत दोन वेगवेगळ्या खात्यावरील रक्कम काढली असता त्यात ५० हजार रुपये जास्तीचे आले, असे लक्षात आले. त्यांनी घरी न जाता बँकेत जास्तीचे मिळालेले पैसे…

जळगाव ः प्रतिनिधी लेवा पाटीदार समाजातील युवा पिढीला शिक्षण, प्रशिक्षण, स्पर्धा परीक्षा, उद्योग, समाजकारण आदी विषयांसाठी हक्काचे व्यासपीठ मिळावे, या उद्देशाने लेवा यूथ फोरमची स्थापन करण्यात आली. ऑनलाइन पद्धतीने आयोजित कार्यक्रमात या फोरमचे उद्घाटन झाले. त्यात नाशिक येथील सहायक पोलिस निरीक्षक निखिल बोंडे यांनी समाजातील तरुणांनी स्पर्धा परीक्षांमध्ये स्वत:चा ठसा उमटवला पाहीजे, असे प्रतिपादन केले. डोंबिवली येथील हर्षल भंगाळे, प्रा.डॉ.राम नेमा, निशा अत्तरदे यांच्या पुढाकाराने हा कार्यक्रम झाला. ऑनलाइन झालेल्या कार्यक्रमात सुरुवातीला मंडळाच्या सचिव स्नेहल अत्तरदे यांनी पाहुण्यांचे स्वागत केले. यानंतर मानसी चौधरीने गणेश वंदना सादर केली. प्रास्ताविकात फोरमचे अध्यक्ष हर्षल भंगाळे यांनी लेवा समाज अधिक सशक्त व्हावा, हेच फोरमचे…

जळगाव : विशेष प्रतिनिधी सध्या जळगाव महापालिकेच्या महापौर पदाची निवडणूक गाजत आहे.तशा तर सर्वच निवडणुका गाजतात. परंतु जळगावात ही निवडणूक गाजण्यापेक्षा भाजपातील अंतर्कलह आणि फूट गाजत आहे. फक्त जळगावात हा विषय गाजत नसून सार्‍या महाराष्ट्रात चर्चेत आहे. त्याच महत्वाचं कारण म्हणजे हा फक्त भाजप पुरता मर्यादित विषय नाही. तर तो माजीमंत्री आ. गिरीश महाजन यांच्याशी निगडित असल्याने व त्यांच्या नाकावर टिच्चून शिवसेनेने सारा खेळ केल्याने संपूर्ण चर्चा महाजनांभोवतीच फिरते आहे.शहरात याच्या प्रतिक्रिया उत्तम उमटू लागल्या आहेत. एक सर्वसाधारण व्यक्ती की, त्याचे कोणत्याच राजकीय पक्षाशी काहीही घेणे-देणे नाही .त्या व्यक्तीने या घडामोडींवर एकच शब्द उच्चारला यह तो होना ही था !…

यावल : तालुका प्रतिनीधी शहरात आज सकाळी ८:३० ते ९ वाजेच्या सुमारास अवैध वाळू वाहतूक करणारे तसेच वाळूतस्करांची भजे आणि पोहा नाश्ता खाण्याची पार्टी झाली. यावेळी शासकीय वाहनासह ते कोण कोण कर्मचारी उपस्थित होते? याची प्रत्यक्षदर्शींनी पाहणी केल्याने यावल शहरात अनेक तर्क -वितर्क लावले जात असून, या बाबत प्रांताधिकारी व तहसीलदार खुलासा करतील का ? असा प्रश्न उपस्थित केला जात आहेत. यावल येथील बस स्टँड जवळ तसेच जुन्या तहसील कार्यालय व पोलीस स्टेशन पासून काही अंतरावर असलेल्या यावल कृषी उत्पन्न बाजार समितीने बांधलेल्या जे.टी.महाजन व्यापारी संकलनात भजे पोहा शेव चिवडा नाष्टा पाण्याचे दुकान आहे या दुकानात आज सकाळी अवैध वाहतूक…

जळगाव : प्रतिनिधी महापालिकेच्या महापौर व उपमहापौर पदासाठी उद्या गुरूवारी होणार्‍या निवडणूकीसाठी आज शिवसेनेकडून जयश्री महाजन तर उपमहापौर पदासाठी कुलभूषण पाटील यांनी आपले उमेदवारी अर्ज दाखल केले. भाजपकडून महापौर पदासाठी विद्यमान महापौर भारती सोनवणे यांच्यासह प्रतिभा कापसे व उपमहापौर पदासाठी मयुर कापसे व सुरेश सोनवणे यांचे उमेदवारी अर्ज दाखल करण्यात आले आहे. सत्ताधारी भाजपच्या गोटातील नगरसेवक शिवसेनेच्या गोटात दाखल झाल्याने महापालिकेत सत्ताधारी भाजपचे समीकरण बिघडले आहे. दरम्यान, उद्या होणार्‍या निवडणूकीकडे जिल्ह्यासह राज्याच्या राजकीय धुरीणांचे लक्ष लागून आहे. जिल्हाधिकारी तथा पीठासीन अधिकारी अभिजीत राऊत यांच्या अध्यक्षतेखाली होणार्‍या विशेष सभेत नवनिर्वाचीत महापौर व उपमहापौरांची निवड केली जाणार आहे. महापौर व उपमहापौर पदासाठी…

जळगाव : प्रतिनिधी अंतर्नाद प्रतिष्ठान व शिक्षण विभाग पंचायत समिती भुसावळ यांच्या सयुंक्त विद्यमाने शिवजयंतीच्या निमित्ताने फेब्रुवारी महिन्यात ऑनलाईन महावक्तृत्व स्पर्धा घेण्यात आली होती.यंदा स्पर्धेचे चौथे वर्ष होते.चार गटातील १७ विजेत्यासह सहभागी विद्यार्थी आणि शिक्षक यांना गौरवण्यात आले. अध्यक्षस्थानी भुसावळ नगरपालिका शिक्षण मंडळ सभापती मुकेश गुंजाळ तर प्रमुख पाहुणे म्हणून अष्टभुजा ज्येष्ठ नागरिक संघ अध्यक्ष रघुनाथ सोनवणे,डॉ.भाग्यश्री भंगाळे, नूतन पतपेढी संचालक प्रदीप सोनवणे, खासगी प्राथमिक सोसायटी संचालक प्रसन्ना बोरोले ,म. रा. अपंग कर्मचारी व अधिकारी संघटना जळगाव जिल्हा उपाध्यक्ष अनिल देशपांडे यांची उपस्थिती होती. स्पर्धक, पालक, प्रमुख पाहुणे आणि अंतर्नादच्या सर्व सदस्यांची थर्मल स्कॅनर, पल्स ऑक्सिमिटरद्वारे तपासणी करुन आणि ही…

जळगाव ः प्रतिनिधी मनपाचे माजी उपमहापौर तथा कोळी समाज संघटनेचे जळगाव जिल्हाध्यक्ष गणेश बुधो सोनवणे (वय ५९) यांचे मंगळवारी दुपारी कोरोनाच्या संसर्गाने निधन झाले. गेल्या चार ते पाच दिवसापासून त्यांच्यावर खासगी रूग्णालयात उपचार सुरू होते. तत्कालिन महापौरांनी राजीनामा दिल्याने सोनवणे यांच्याकडे काही दिवस महापौरपदाचा प्रभारी कार्यभार सोपविण्यात आला होता. ते राष्ट्रवादी विद्यार्थी कॉग्रेसचे जिल्हाध्यक्ष रोहन सोनवणे यांचे वडील होत. गेल्या वर्षी चार माजी नगरसेवकांचा कोरोनाने बळी घेतला होता. त्यापाठोपाठ माजी गणेश सोनवणे यांचे देखील निधन झाले आहे. त्यांच्या पश्चात पत्नी, २ मुले, २ मुली असा परिवार आहे.

जळगाव : प्रतिनिधी वीज ही अत्यावश्यक सेवा असून, कोरोनाच्या संकटातही जीवावर उदार होऊन महावितरणचे कर्मचारी ग्राहकांना अखंडित व दर्जेदार सेवा देण्यासाठी कार्यरत होते. मात्र ग्राहकांनी वीजबिले न भरल्याने थकबाकीचा डोंगर उभा राहिला आहे. त्यामुळे भविष्यातही अशीच कायम अखंडित सेवा देण्यासाठी व वीज खरेदीसाठी महसुलाची गरज आहे. त्यासाठी ग्राहकांना दिलेल्या विजेच्या प्रत्येक युनिटची रक्कम वसूल करावी, असे निर्देश महावितरणच्या कोकण प्रादेशिक विभागाचे प्रभारी सहव्यवस्थापकीय संचालक तथा मुख्यालयाचे कार्यकारी संचालक प्रसाद रेशमे यांनी दिले. जळगाव परिमंडलात मागील वर्षभरापासून अनेक ग्राहकांनी एकही वीजबिल भरलेले नाही. यात काही विभाग कार्यालयाची वसुली अत्यंत असमाधानकारक असून सर्वांनी बिल वसुली मोहीम प्रभावीपणे राबवावी तसेच वीजबिल भरण्यासाठी थकबाकीदार…

भुसावळ ः प्रतिनिधी तालुक्यातील भोरगाव लेवा पंचायत ठाया पाडळसेतर्फे येथील संतोषी माता हॉलमध्ये पाच जोडप्यांचा सामूहिक विवाह सोहळा मोजक्या वर्‍हाडींच्या उपस्थितीत उत्साहात पार पडला. यावेळी कोरोनाच्या नियमांचे पालन करण्यात आले. विशेष म्हणजे या उपक्रमात एका प्रज्ञाचक्षू जोडप्याचाही समावेश होता. अवाजवी खर्च टाळण्यासाठी हा सामूहिक विवाह आयोजित करण्यात आला. भोरगाव लेवा पंचायतीतर्फे भुसावळ येथील संतोषी माता हॉलमध्ये सामूहिक विवाह पार पडला. यात लोकेश कोल्हे व राजश्री चौधरी, कौतिक भारंबे व विनीता चौधरी, अक्षय फेगडे व विशाखा चौधरी, हर्षल चौधरी व विजया भोसले तर प्रज्ञाचक्षू जोडपे दीपाली बाळू उबाळे व मंगेश अशोक धिवरे या जोडप्यांचा सामूहिक विवाह पार पडला. यावेळी भोरगाव लेवा…