जळगाव, प्रतिनिधी । संपूर्ण महाराष्ट्राचे लाडके दैवत अर्थात गणपती बाप्पाचे शुक्रवार, दि.10 सप्टेंबर 2021 रोजी महाराष्ट्रासह देशभरातील विविध ठिकाणी घरा-घरांत अतिशय उत्साहपूर्ण अन् मंगलमय वातावरणात आगमन झाले. त्याच अनुषंगाने दरवर्षीप्रमाणे श्रीगणेश चतुर्थीच्या दिवशी जळगाव शहरातील आकाशवाणी चौक ते महाराणा प्रताप चौक म्हणजेच रिंग रोड परिसर, टॉवर चौकाजवळील महात्मा गांधी रोड, अजिंठा चौक, पिंप्राळा या भागांत महापालिकेच्या परवानगीने याहीवर्षी बुधवार, दि. 8 सप्टेंबर 2021 रोजी दुपारपासून शुक्रवार, दि. 10 सप्टेंबर 2021 रोजी रात्रीपर्यंत गणेशमूर्ती, पूजा साहित्य, प्रसाद, सुशोभीकरणासह पुष्पहार, विविध फळे यांच्या विक्रीची दुकाने थाटलेली होती. मात्र, संबंधित विक्रेत्यांनी मालाच्या विक्रीनंतर आपापल्या दुकानातील कचरा, निर्माल्याची विल्हेवाट न लावता तो तेथेच रस्त्यावर…
Author: saimat team
जळगाव, प्रतिनिधी । चाळीसगाव शहरासह तालुक्यात काही दिवसांपूर्वी झालेल्या अतिवृष्टीमुळे शेतीसह झालेल्या अन्य नुकसानीचे पंचनामे तातडीने पूर्ण करून अहवाल शासनास सादर करावा. नुकसानग्रस्त शेतकऱ्यांना लवकरात लवकर मदत मिळवून देण्यात येईल, असे राज्याचे कृषी व माजी सैनिक कल्याण मंत्री दादाजी भुसे यांनी सांगितले. चाळीसगाव, भडगाव पाचोरा तालुक्यात मागील काही दिवसांपूर्वी झालेल्या अतिवृष्टीमुळे तितूर आणि डोंगरी या नद्यांना पूर आले. त्यात एक महिला वाहून गेली, तर शेतीसोबतच घरांचे व पशुधनाचेही मोठ्या प्रमाणात नुकसान झाले. या पार्श्वभूमीवर कृषी मंत्री श्री. भुसे यांनी आज सकाळी चाळीसगाव तालुक्यातील वाघडू, वाकडी, रोकडेसह पाचोरा तालुक्यातील दिघी, भोरटेक, कजगाव, ता. भडगाव या गावांना भेट देवून तेथील पूर परिस्थितीची…
जळगाव प्रतिनिधी । जळगावातील अज्ञात चोरट्यांनी फुले मार्केटच्या समोरून १५ हजार रुपये किमतीचे दोन मोबाइल लंपास केल्याची घटना १० रोजी सायंकाळच्या सुमारास घडली. याप्रकरणी अज्ञात चोरट्यांविरुद्ध शहर पोलिसात गुन्हा दाखल करण्यात आला आहे. शनिपेठ येथील राहणारे राधेश्याम कैलास पांडे (वय-२२) हे 10 सप्टेंबर रोजी सायंकाळी साडेसहा वाजेच्या सुमारास जिल्हा परिषद रोड वरील नवजीवन कलेक्शन समोरील असलेल्या मोकळ्या जागेवर उभे असताना त्यांचा 5 हजार रुपये किमतीचा मोबाइल आणि सोबत असलेल्या चंद्रकांत भीमराव पाटील यांचा 10 हजार रुपये किमतीचा मोबाईल संशयित आरोपी विजय गुलाबराव पवार याने चोरून नेल्याचे उघडकीला आले आहे. याप्रकरणी शहर पोलिस ठाण्यात संशयित आरोपी विजय पवार यांच्या विरोधात गुन्हा…
सांगवी : वृत्तसंस्था । व्याजाने पैसे देण्याच्या बहाण्याने एका 38 वर्षीय शिक्षिकेवर बलात्कार केल्याची धक्कादायक घटना उघड झाली आहे. या प्रकरणी सांगवी पोलीस ठाण्यात अवस्ती नावाच्या व्यक्तीविरोधात गुन्हा दाखल करण्यात आला आहे. बलात्कार केल्यानंतर आरोपीने महिलेचे विवस्त्र अवस्थेतील फोटो काढून शाळेत आणि घरच्यांना दाखवेन अशी धमकी देऊन पुन्हा बलात्कार केला. तसेच “मी निवृत्त एसीपी आहे, माझं कोणी काही करू शकत नाही.ही बाब कोणाला सांगितल्यास घरच्यांना जिवंत सोडणार नाही”, अशी धमकी आरोपीने पीडितेला दिल्याची माहिती सांगवी पोलिसांनी दिली आहे. विकास अवस्ती असे आरोपीचे नाव असून त्याने तो एसीपी असल्याची बतावणी केली.प्रत्यक्षात मात्र तो एसीपी नसल्याची माहिती सांगवी पोलिसांनी दिली आहे. या…
मुंबई, वृत्तसंस्था । मुंबईतील साकीनाका परिसरात झालेल्या बलात्कार पीडित महिलेचा उपचारादरम्यान मृत्यू झाला आहे. महिलेवर बलात्कार करण्यात आल्यानंतर गुप्तांगात रॉड घुसवल्याचा अमानवीय प्रकार समोर आला होता. साकीनाका परिसरात घडलेल्या या घटनेमुळे खळबळ माजली होती. जखमी अवस्थेत महिलेला उपचारासाठी घाटकोपरच्या राजावाडी रुग्णालयात दाखल करण्यात आलं होतं. मात्र मृत्यूशी तिची झुंज अपयशी ठरली आहे. या घटनेवरुन संपूर्ण देशभरातून संताप व्यक्त होत असून पुन्हा एकदा महिलांच्या सुरक्षेचा प्रश्न ऐरणीवर आला आहे. याप्रकरणी पोलिसांनी ४५ वर्षीय आरोपी मोहन चौहानला अटक केली आहे. काय आहे प्रकरण – शुक्रवारी मुंबईतील एक धक्कादायक घटना समोर आली होती. महिलेवर बलात्कार करण्यात आल्यानंतर आरोपीने गुप्तांगात रॉड घुसवल्याचा धक्कादायक प्रकार…
काबुल, वृत्तसंस्था । अफगाणिस्तानचे माजी उपाध्यक्ष आणि स्वत:ला राष्ट्राध्यक्ष घोषित करणारे अमरुल्ला सालेह यांच्या भावाला तालिबान्यांनी ठार केल्याची माहिती समोर येत आहे तालिबानने संपूर्ण अफगाणिस्तानचा ताबा मिळवला आहे, मात्र पंजशीरमध्ये अद्यापही संघर्ष सुरु आहे. याच संघर्षादरम्यान अमरुल्ला सालेह यांचा भाऊ रोहुल्लाह सालेह ठार झाला आहे. तालिबानने रोहुल्लाह सालेह याची ओळख पटल्यानंतर त्याचा छळ करुन नंतर फासावर लटकवले अशी माहिती आहे. रोहुल्लाह सालेहचा भाचा इबदुल्लाहने तालिबान यावेळी वारंवार मृतदेह सडला पाहिजे म्हणत होते असे सांगितले आहे.“त्यांनी गुरुवारी हत्या केली असून आम्हाला दफन करण्यासाठीही मृतदेह देत नाही आहेत.ते वारंवार मृतदेह सडला पाहिजे असे म्हणत आहेत,” असे इबदुल्लाहने सांगितले असल्याचे वृत्त रॉयटर्सने दिले…
पालघर , वृत्तसंस्था । तारापूर औद्योगिक वसाहती मधली फ्लॉट नंबर 9/4 रंग रसायन या फॅक्टरीमध्ये मध्यरात्रीनंतर भीषण स्फोट होऊन आग लागली. सणानिमित्ताने कंपनी बंद असल्याने कोणतीही जीवित हानी झाली नाही असा प्राथमिक अंदाज व्यक्त करण्यात येत आहे. मध्यरात्रीनंतर अडीच वाजण्याच्या सुमारास या कंपनीमध्ये स्फोट होऊन आग लागली. तारापूर एमआयडीसी अग्निशामक दलाच्या तीन गाड्या घटनास्थळी पोहोचल्या आणि पहाटेपर्यंत आग नियंत्रणात आली आहे. घटनास्थळी बोईसर पोलिस स्टेशनचे अधिकारी उपस्थित आहेत. आग विझल्यानंतर संभाव्य जखमींचा शोध घेण्यात येईल असे पोलिसांनी सांगितले. कोविड-19 च्या संसर्गाविरूद्ध चार महिन्यांची, जीवघेणी लढाई जिंकल्यानंतर, मुंबईचे देवानंद तेलकोटे नागरी सेवा परीक्षांच्या मुलाखतीसाठी उपस्थित राहण्यास तयार आहेत. प्रिलीम आणि मेन्स…
जळगाव प्रतिनिधी | बोदवड नगरपंचायतीचे मुख्याधिकारी म्हणून जळगाव महापालिकेचे सहायक आयुक्त आकाश डोईफोडे यांची नियुक्ती करण्यात आली असून याबाबतचे आदेश जारी करण्यात आले आहेत. नगरविकास खात्याने जारी केलेल्या निर्देशानुसार जळगाव महापालिकेत सध्या सहायक आयुक्तपदी असणारे आकाश डोईफोडे यांची बोदवड येथे नियुक्ती करण्यात आलेली आहे. डोईफोडे आता बोदवड येथील नगरपंचायतीचे मुख्याधिकारी म्हणून काम पाहणार आहेत. ते लवकरच आपला कार्यभार सांभाळण्याची शक्यता आहे. बोदवड नगरपंचायतीच्या विकासकामांना आकाश डोईफोडे यांच्या नियुक्तीने वेग येण्याची शक्यता आहे.
लातूर, वृत्तसंस्था । लातूर जिल्ह्यातील लातूर आणि उदगीर बाजार समितीमध्ये मराठवाड्यातील अनेक भागातून तसेच कर्नाटक,आंध्रप्रदेश आणि तेलंगणा या राज्यांतूनही शेतमालाची मोठ्या प्रमाणात आवक झाली आहे. उदगीर आणि लातूर मार्केट यार्डात खरिपातील नवीन मुगापाठोपाठ उडदाची आवक सुरू झाली आहे. यामुळे बाजारात उत्साह संचारला असून शेतमालाला आधारभूत किमतीपेक्षा अधिकची रक्कम मिळत आहे. मागील पाच ते सहा दिवसांपासून मराठवाड्यातील अनेक ठिकाणी पाऊस पडला आहे. पावसामुळे शेतमालाला डाग पडल्याने भावात फरक पडला आहे, असं असून ही सहा हजार पाचशे ते सात हजार चारशे रुपये प्रति क्विंटल भाव आता उडदाला मिळत आहे. तो भाव आधारभूत किमतीपेक्षा जास्त आहे. लातूर जिल्ह्यातील उदगीर आणि लातूर मोठी बाजारपेठ…
मुंबई, वृत्तसंस्था । मुंबईच्या साकीनाका परिसरात एका 32 वर्षीय महिलेवर अमानुषपणे बलात्कार करण्यात आल्याची संतापजनक घटना समोर आलीय. या घटनेमुळे मुंबईत खळबळ उडाली आहे. महाराष्ट्राची राजधानी असलेल्या शहरात महिलेवर अशाप्रकारे अत्याचार होत असतील तर इतर शहरांमधील परिस्थितीत काय? असा प्रश्न आता उपस्थित केला जातोय. पोलिसांनी या प्रकरणी एका आरोपीला बेड्या ठोकल्या आहेत. संबंधित प्रकरणाचा तपास करत असताना पोलिसांच्या हाती काही पुरावे लागले आहे. पोलिसांना संबंधित परिसरात काही सीसीटीव्ही फुटेज मिळाले आहेत. या सीसीटीव्ही कॅमेऱ्यामध्ये आरोपीचे दुष्कृत्य कैद झालं आहे. रात्रीच्या अंधारामुळे सीसीटीव्हीत फारसं स्पष्ट दिसत नाहीय. पण परिसरात संशयास्पद घटना घडतेय, ते स्पष्टपणे जाणवत आहे. काय आहे प्रकरण मुंबईच्या साकीनाका…