Author: saimat team

मुंबई, वृत्तसंस्था । मुख्यमंत्री उद्धव ठाकरे यांनी ९ सप्टेंबर २०२१ रोजी औरंगाबाद जिल्ह्यातील विविध विकासकामांचा आढावा घेतला होता तेव्हा त्यांनी पैठण येथील संतपीठाचे शैक्षणिक व्यवस्थापन डॉ. बाबासाहेब आंबेडकर मराठवाडा विद्यापीठाकडे सोपविण्याची सुचना केली होती त्यानुसार उच्च व तंत्रशिक्षण विभागाने यासंबंधीचा शासननिर्णय निर्गमित केला आहे. या निर्णयामुळे संतपीठाच्या कामाला आता वेग मिळाला आहे. पैठण येथील संतपीठामध्ये भारतीय परंपरा, संस्कृती, संत संप्रदाय, संत साहित्य, किर्तन, प्रवचन, तत्वज्ञान आदी बाबींशी संबंधित प्रमाणपत्र,पदविका, पदवी, पदव्युत्तर अभ्यासक्रम चालवण्यासाठी संतपीठाचे शैक्षणिक व्यवस्थापन डॉ. बाबासाहेब आंबेडकर विद्यापीठाकडे ५ वर्षांसाठी किंवा पुढील आदेश होईलपर्यंत जे लवकर होईल त्या काळासाठी सोपवण्याचा निर्णय काही अटींच्या अधीन राहून घेण्यात आला आहे.…

मुंबई, प्रतिनिधी । महाराष्ट्रातील साखर उद्योग हा प्रमुख उद्योग असून राज्यातील साखर कारखान्यांमध्ये काम करणाऱ्या स्थलांतरीत ऊस तोडणी कामगारांना सामाजिक सुरक्षितता योजनांचे लाभ देण्यासाठी राज्य शासनाच्या सर्व विभागांनी समन्वयाने काम करावे. तसेच राज्यातील स्थलांतरीत ऊस तोडणी कामगारांच्या जिल्हानिहाय संख्येचे प्रमाण लक्षात घेऊन त्यांच्या पाल्यांसाठी वसतिगृहांची उभारणी करण्याच्या सूचना उपमुख्यमंत्री अजित पवार यांनी आज दिल्या. त्याचप्रमाणे राज्यातील स्थलांतरीत ऊस तोडणी कामगार, मुकादम आणि वाहतुक कामगारांची नोंदणी करुन त्यांना ओळखपत्र देण्याचा निर्णय यावेळी घेण्यात आला. सामाजिक न्याय मंत्री धनंजय मुंडे यांच्या मागणी प्रमाणे ऊस तोडणी कामगारांच्या प्रश्नांसाठी तसेच कै. गोपीनाथ मुंडे ऊसतोड कामगार महामंडळ तातडीने कार्यान्वित करण्याबाबत उपमुख्यमंत्री अजित पवार यांच्या अध्यक्षतेखाली…

मुंबई, प्रतिनिधी । मुंबईतील साकी नाका परिसरातील घटने बरोबरच राज्यातील अन्य भागातही महिलेंवर अत्याचाराच्या घटना समोर आल्या आहेत. अशात शक्ती कायद्याची अंमलबजावणी करणे हे महत्वाचे असल्याचे मत मनसेच्या सरचिटणीस शालिनी ठाकरे यांनी व्यक्त केले आहे. त्यांनी मंत्रालयात काल राज्य गृहमंत्री दिलीप वळसे पाटील यांची भेट घेतली. राज्यात पोलिसांचा धाक कोणालाही राहिला नाही.17 वर्षाचा मुलगा गँगरेपमध्ये आरोपी होतो आणि तरीही त्याचा जामीन होतो अशात पोलिसांचा किंवा कायद्याचा धाक राहणार तरी कसा त्यासाठी शक्ती कायद्याची अंमलबजावणी झालीच पाहिजे अशी आग्रही मागणी त्यांनी यावेळी केली. यावेळी गृहमंत्री यांनी शक्ती कायदा हा येत्या हिवाळी अधिवेशनात संमत करू तसेच महिलांच्या बाबतीत सरकार गंभीर असून या…

मुंबई : प्रतिनिधी  दिल्ली पोलिसांच्या स्पेशल सेलने पाकिस्तान संघटित दहशतवादी मॉड्यूलचा पर्दाफाश केला आहे. काल पकडण्यात आलेल्या सहा दहशतवाद्यांपैकी एक दहशतवादी धारावातील असल्याचे आढळून आल्याने खळबळ उडाली आहे. या दहशतवाद्यांचा मुंबईची लोकल उडवण्याचा प्लॅन असल्याचे उघड झाल्याने गृहमंत्री दिलीप वळसे पाटील  आता अ‍ॅक्शन मोडमध्ये आले आहेत. त्यांनी आज तातडीने पोलिसांची बैठक बोलावली आहे. दिलीप वळसे-पाटील यांनी या बैठकीबाबत माहिती दिली आहे. ते म्हणाले की, “दिल्लीत सहा अतिरेक्यांना अटक करण्यात आली. देशाच्या स्तरावरील ही घटना आहे. त्यामुळे या प्रकरणाची माहिती घेण्याच्या संदर्भात बैठक बोलावली आहे. या बैठकीतील कायदेशीर माहिती घेतल्यानंतरच त्यावर अधिक भाष्य करता येईल. तसेच, या बैठकीला पोलिसांच्या सर्व…

नवी दिल्ली, वृत्तसंस्था । आज पेट्रोल आणि डिझेलच्या दरात कोणतीही कपात झालेली नाही. आज दिल्लीमध्ये जिथे पेट्रोलचे दर 101.19 रुपये प्रति लीटरवर स्थिर राहिले. त्याचवेळी डिझेलचा दर 88.62 रुपये प्रति लिटर राहिला. सरकारी तेल कंपन्या दरांचा आढावा घेऊन दररोज पेट्रोल आणि डिझेलचे दर निश्चित करतात. इंडियन ऑइल, भारत पेट्रोलियम आणि हिंदुस्थान पेट्रोलियम सुधारित करतात आणि दररोज संध्याकाळी 6 पासून पेट्रोल दर आणि डिझेलचे दर जारी करतात. महानगरांमधील आजचे नवीनतम दर जाणून घ्या आता दिल्लीत 1 लीटर पेट्रोलची किंमत 101.19 रुपये आहे. त्याचबरोबर 1 लीटर डिझेल 88.62 रुपये प्रति लिटर आहे. आता कोलकातामध्ये 1 लीटर पेट्रोलची किंमत 101.62 रुपये आहे. त्याच…

वरणगाव प्रतिनिधी । मुक्ताईनगर येथील शिवसेनेचे आमदार चंद्रकांत पाटील यांच्या वाढदिवसाचे औचित्य साधून वरणगाव शिवसेनेने संसर्गजन्य रोगाचे निर्मुलन करण्यासाठी ५० हजार लोकसंख्या असलेल्या या वरणगावात फवारणी सप्ताह कार्यक्रम हाती घेतला आहे. वरणगाव शहरामध्ये डेंगू ,मलेरिया, टायफड ,या आजाराने थैमान घातले आहे, यासाठीच या आजारांपासून नागरिकांचा बचाव व्हावा ,यासाठी वरणगाव शिवसेनेच्यावतीने पूर्ण सप्ताभर प्रत्येक वार्डा मध्ये व गल्लीबोळ यामध्ये फिरून फवारणी करण्यात येणार आहे ,अशी माहिती शिवसेना जिल्हाप्रमुख समाधान महाजन यांनी दिली आहे.

मुक्ताईनगर प्रतिनिधी । शिवसेना शहर संघटक वसंत भलभले संचालक शिव भोजन केंद्र मुक्ताईनगर येथे आमदार चंद्रकांत पाटील यांच्या वाढदिवसानिमित्त गोरगरीब जनतेला मोतीचूर लाडूचे वाटप करण्यात आले. यावेळी शेकडो लोकांनी व परिवारांनी याचा लाभ घेतला. प्रसंगी वसंता भलभले व विशाल भलभले हे उपस्थित होते. दरम्यान, आज तालुक्यात आमदार चंद्रकांत पाटील यांचा वाढदिवस हा अतिशय उत्साहात साजरा करण्यात येत असून यानिमित्त विविध जनहितार्थ उपक्रमांचे आयोजन करण्यात आले आहे. आमदार चंद्रकांत पाटील यांच्यावर कालपासूनच शुभेच्छांचा वर्षाव करण्यात येत आहे. राज्यातील प्रमुख नेत्यांसह जिल्ह्यातील मान्यवरांनी त्यांना वाढदिवसाच्या शुभेच्छा दिल्या आहेत. सर्व आज भल्या पहाटेपासूनच मतदारसंघातील सर्वसामान्य नागरिक मोठ्या संख्येने त्यांना शुभेच्छा देण्यासाठी आल्याचे दिसून…

पाचोरा प्रतिनिधी । तालुक्यातील नगरदेवळा येथून जवळच असलेल्या अखतवाडे येथे जिल्हा परिषदच्या माध्यमातून उर्दू शाळेसाठी १६ लाख २५ हजार रुपयांचा निधी मंजूर केला असून आज या बांधकामाचे उद्घाटन शिवसेना जिल्हापरिषद गटनेते रावसाहेब पाटील यांच्या हस्ते करण्यात आले. आखतवाडे येथे जिल्हा परिषद उर्दु शाळेची इमारत जीर्ण झाली होती. त्यासंदर्भात ग्रामस्थांनी वारंवार ती शाळा नवीन बांधण्यात यावी यासाठी रावसाहेब पाटील यांच्याकडे मागणी लावून धरली होती. त्यामुळे आमदार किशोर आप्पा पाटील यांच्या मार्गदर्शनाखाली जिल्हापरिषद सदस्य रावसाहेब पाटील यांनी त्यासंबंधी पाठपुरावा करून त्या शाळेसाठी १६लक्ष रुपयांचा निधी मंजूर करून आणला असून जुनी उर्दूशाळा निर्लखीत करून नवीन शाळेचे बांधकाम उदघाटन आज रोजी त्यांच्या हस्ते पार…

पाचोरा प्रतिनिधी । तालुक्यातील शिंदाड येथील जि. प. प्राथमिक शाळेच्या शिक्षण समितीच्या अध्यक्षपदी संदिप बोरसे तर उपाध्यक्ष पदी विनोद तडवी यांची निवड करण्यात आली आहे. आज दि. १४ रोजी ११ .३० वाजता शाळेत अध्यक्ष उपाध्यक्ष निवडीचा कार्यक्रम पार पडला ह्या वेळी बोट वरती करून उपस्तीत १० पैकी ८ सदस्यांनी संदीप शांताराम बोरसे यांचे नावाला पसंती दिली तर उपाध्यक्ष पदासाठी विनोद कचरू तडवी यांचे नावाला पसंती दिली ११ पैकी १० सदस्य निवडीला उपस्तीत होते यावेळी नवनिर्वाचित सदस्य पूनम प्रदीप श्रावणे, कोकिळा धनंजय पाटील, कविता तांबे, सोनल श्रीकांत पाटील, रहेमान मशीद तडवी, सुलताना तडवी, तुषार भगवान सांबरे, दिलशान तडवी उपस्तीत होते. मुख्याध्यापक…

पारोळा प्रतिनिधी । गणपती उत्सवानिमित्ताने एकता गणेश मंडळ व इच्छापूर्ती गणेश मंडळाच्या सहकार्याने शेवगे बु॥ गावात रक्तदान शिबिराचे आयोजन करण्यात आले होते. यावेळी 25 दात्यांनी रक्तदान केले.त्यावेळी उत्तर महाराष्ट्र प्रहार जनशक्ती पक्ष संपर्क प्रमुख अनिल भाऊ चौधरी यांच्या मार्गदर्शनाखाली व जिल्हा अध्यक्ष अविनाश पाटील यांच्या सुचणेनुसार रक्तदान केलेल्या सर्व व्यक्तींना प्रहार संघटनेचे तालुका युवक अध्यक्ष व पारोळा शहर अध्यक्ष विजय चौधरी. उर्फ पल्टी भाऊ.. सामाजिक कार्यकर्ते आकाश सोनवणे यांच्यातर्फे पाण्याचे थर्मोस वाटप करण्यात आले. यावेळी सरपंच भिकूबाई पाटील,ग्रा प सदस्य भूषण पाटील,अनिल पाटील,हरिचंद्र पाटील ग्राम पंचायत शिपाई प्रमोद कोळी,अनिल काशिनाथ पाटील, योगेश कोळी दिनेश पाटील, निलेश पाटील समाधान पाटील महेंद्र…