साईमत, जळगाव, प्रतिनिधी
शहरातील ख्वॉजामिया दर्गाजवळील मोकळ्या जागेत गांजाचा नशा करणाऱ्या एका तरूणावर जिल्हापेठ पोलिसांनी शनिवारी कारवाई केली. याप्रकरणी जिल्हापेठ पोलीस ठाण्यात गुन्हा दाखल करण्यात आला आहे.
शहरातील गणेश कॉलनी भागातील ख्वॉजामिया दर्गा परिसरात असलेल्या भिंतीच्या आडोश्ाात रहिम निसार बिस्ती (वय-37) रा. शाहूनगर, जळगाव हा तरूण अवैधरित्या गांजाचे सेवन करत असताना शनिवारी रात्री आढळून आला. पोलिसांनी त्यांच्यावर कारवाई करत नशाचे साहित्य त्याच्याकडून हस्तगत केले. त्यानंतर पोकॉ कैलास शिंदे यांनी दिलेल्या फिर्यादीवरून संशयित आरोपी रहिम बिस्ती याच्याविरोधात गुंगीकारक औषधीद्रव्य प्रतिबंधात्मक कारवाई करत गुन्हा दाखल करण्यात आला. पुढील तपास पोहेकॉ मनोज पवार करीत आहे.
