गावठी पिस्तोल विक्री करणारा जळगाव स्थानिक गुन्हे अन्वेषण यांच्या जाळ्यात

0
2

साईमत लाईव्ह यावल प्रतिनिधी

गावठी पिस्तोल विक्री करण्याचे उद्देशाने आलेल्या परप्रांतीयास यावल तालुक्यातील किनगाव येथील मुख्य रस्त्यावर जळगाव येथील स्थानिक गुन्हे अन्वेषण विभागाच्या पथकाने त्याच्या मोटर सायकल व पिस्तोलसह ताब्यात घेतले आहे.सुमारे ४० हजार रुपये किमतीची मोटर सायकल व ३० हजार पिस्तोल असा ७० हजार रुपयांचा मुद्देमाल जप्त करण्यात आला.

याबाबत येथील पोलीस सूत्रांनी दिलेली माहिती अशी किनगाव येथील मुख्य रस्त्यावरील ठिबक कंपनीच्या समोर मध्य प्रदेशातील सिंगनुर पोस्ट बेहरामपूर जिल्हा खरगोन येथील गोलूसिंग दिलीप सिंग भाटिया वय २८ हा विनापरवाना गावठी बनावटीचे ३० हजार रुपये किमतीचे पिस्तोल जवळ बाळगताना आढळला. त्याचे कडील होंडा कंपनीची विना क्रमांकाची शाईन मोटर सायकल किंमत रुपये ४० हजार असा ७० हजार रुपयांच्या मुद्देमालासह संशयित आरोपी गोलू सिंग भाटिया यास स्थानिक गुन्हे शाखेच्या पथकाने अटक केली असून,आरोपी विरुद्ध स्थानिक गुन्हे अन्वेषण विभागाचे पोलीस नाईक प्रमोद अरुण लाड वंजारी यांनी दिलेल्या फिर्यादीवरून येथील पोलीस ठाण्यात भादवी कलम ३/२५ अन्वये गुन्हा दाखल करण्यात आला असून पुढील तपास फौजदार विनोद खांडबहाले करीत आहेत.

LEAVE A REPLY

Please enter your comment!
Please enter your name here