जळगाव ः प्रतिनिधी
शहरातातील पिंप्राळा परिसरातील केदार नगर जवळ नाल्यात पुरुषाचा मृतदेह नाल्यात वाहून आल्याचे आज सकाळी 9 वाजेच्या सुमारास आढळून आल्याने परिसरात एकच खळबळ उडाली आहे. याठिकाणी रामानंद नगर पोलिस स्थानकाचे पोलिस निरिक्षक विजय शिंदे यांच्यासह पोलीस पथक दाखल झाले आहे.
शहरातील केदार नगर जवळ असलेल्या एका नाल्यात अनोळखी पुरुषाचा मृतदेह वाहून आल्याचे येथील नागरिकांना दिसून आले. येथील काही नागरिकांनी पोलिस प्रशासनाला फोन करून या घटनेची माहिती दिली असल्याचे समजते. या नाल्यात कसा पडला हे अद्याप कळू शकलेले नाही. रामानंद नगर पोलिस स्थानकाचे पोलिस निरिक्षक विजय शिंदे, पीएसआय शांताराम पाटील संपूर्ण डीबीपथक घटनास्थळी दाखल झाले.