पुण्यतिथीनिमित्त पालखी मिरवणुकीत समाजबांधवांची उपस्थिती
साईमत/जळगाव/प्रतिनिधी :
येथील संताजी जगनाडे महाराज तेली समाज बहुउद्देशीय युवक मंडळातर्फे रविवारी, २१ डिसेंबर रोजी दुपारी महाराजांच्या पुण्यतिथीनिमित्त सवाद्य मिरवणूक पालखी सोहळा आयोजित केला होता. मिरवणुकीत महिला व मुलांनी मोठ्या संख्येने सहभाग घेत विविध वेशभूषा साकारल्या होत्या. याप्रसंगी समाजबांधवांची मोठ्या संख्येने उपस्थित होती.
सुरुवातीला कांचन नगर येथील श्री स्वामी समर्थ मंदिराजवळ संताजी जगनाडे महाराज आणि संताजी कडोजी महाराज यांच्या प्रतिमेला मंडळाचे अध्यक्ष दत्तात्रय तुकाराम चौधरी यांच्यासह समाजबांधवांनी माल्यार्पण केले. त्यानंतर समाज बांधवांनी संतांच्या जयघोषात मिरवणुकीला प्रारंभ केला.
पालखी सोहळ्याचे यंदाचे पंधरावे वर्ष
ही मिरवणूक कांचन नगर, चौगुले प्लॉट, भिलपुरा पोलीस चौकी, घाणेकर चौकमार्गे पोलनपेठेतील दत्त मंदिरापर्यंत काढण्यात आली.मिरवणुकीत विविध वेशभूषा करणाऱ्या महिला व मुलींसाठी स्पर्धा आयोजित केली होती. मिरवणूक व पालखी सोहळ्याचे यंदाचे पंधरावे वर्ष आहे. पालखीत उपाध्यक्ष सिताराम देवरे, सचिव अनिल पाटील, भगवान सोनवणे, सचिन चौधरी, दिलीप चौधरी, भगवान चौधरी, डी. एम. चौधरी, सिंधु चौधरी, शोभा चौधरी यांच्यासह महिला, पुरुष समाज बांधव मोठ्या संख्येने उपस्थित होते.
