विखरणला द्वारकाधीश विठ्ठल मंदिरात पालकमंत्री ना. जयकुमार रावल यांनी घेतले दर्शन
साईमत/दोंडाईचा/प्रतिनिधी :
आषाढी एकादशीच्या पावन पर्वावर महाराष्ट्राचे पणन व राजशिष्टाचार मंत्री तथा धुळे जिल्हा पालकमंत्री ना. जयकुमार रावल यांनी प्रती पंढरपूर म्हणून ओळखल्या जाणाऱ्या विखरण येथील द्वारकाधीश विठ्ठल मंदिरात विठु माऊलीचे दर्शन घेऊन राज्याच्या सुख, समृद्धी व शांततेसाठी प्रार्थना केली. यावेळी मंदिर परिसरात भक्तिमय वातावरण पसरले होते. आषाढी एकादशीनिमित्त विविध धार्मिक कार्यक्रमांचे आयोजन केले होते.
मंत्री जयकुमार रावल यांच्या उपस्थितीने भक्तांमध्ये उत्साहाचे वातावरण होते. याप्रसंगी त्यांनी स्थानिक भाविकांशी संवाद साधत विठ्ठल भक्तीच्या परंपरेचे महत्त्व अधोरेखित केले. तसेच प्रती पंढरपूर विखरण या ठिकाणाचा धार्मिक पर्यटनाच्या दृष्टीने विकास करण्याबाबतही आश्वासक चर्चा केली.
यांची होती उपस्थिती
यावेळी बाजार समितीचे सभापती नारायण पाटील, भाजपा शिंदखेडा तालुकाध्यक्ष (दोंडाईचा ग्रा.) दीपक बागल, जिल्हा सरचिटणीस डी.एस.गिरासे, दोंडाईचा न.पा.चे माजी नगरसेवक निखिल जाधव, के.पी.गिरासे, माजी उपसरपंच विक्रम तायडे, माजी उपसरपंच भीमसिंग गिरासे, विठ्ठल पाटील, राजेंद्र गिरासे, सरपंच महेंद्र पवार, प्रवीण गिरासे, रणजित राजपूत, प्रदीप साळुंखे, हर्षल परमार, साहेबराव सोनवणे, अंतराम साळुंखे, उमेश पाटील, प्रवीण पाटील, सरपंच विष्णु पाटील, ॲड.रतन पाटील, आनंदसिंग गिरासे, चंद्रसिंग गिरासे, राजेंद्र पाटील, सरपंच धीरज बडगुजर, जयसिंग गिरासे, दिलीप गिरासे, अभय निकम, कुणाल पाटील आदी उपस्थित होते.
