जळगाव तालुका पोलिसात अज्ञाताविरुध्द अपहरणाचा गुन्हा दाखल
साईमत/जळगाव/प्रतिनिधी :
शहरातील एका भागात राहणाऱ्या एका १५ वर्षीय अल्पवयीन मुलीला अज्ञात व्यक्तीने काहीतरी आमिष दाखवत फूस लावून पळवून नेल्याची घटना १७ मे रोजी मध्यरात्रीच्या सुमारास घडली आहे. याप्रकरणी रविवारी, १८ मे रोजी जळगाव तालुका पोलीस ठाण्यात अज्ञात व्यक्तीविरुध्द अपहरणाचा गुन्हा दाखल केल्याचे पोलिसांनी सांगितले.
जळगाव शहरातील एका भागात १५ वर्षीय अल्पवयीन मुलगी आपल्या कुटुंबासह वास्तव्याला आहे. १७ मे रोजी मध्यरात्री २ वाजेच्या सुमारास तिला अज्ञात व्यक्तीने काहीतरी आमिष दाखवून फूस लावून पळवून नेले. ही घटना उघडकीस आल्यानंतर पीडित मुलीच्या नातेवाईकांनी तिचा सर्वत्र शोध घेतला. परंतू तिच्याबद्दल कोणतीही माहिती मिळू शकली नाही.
याप्रकरणी तिच्या पालकांनी पोलीस ठाण्यात धाव घेवून तक्रार दिली. त्यांनी दिलेल्या तक्रारीवरून अज्ञात व्यक्तीविरुध्द अपहरणाचा गुन्हा दाखल केला आहे. तपास पोलीस उपनिरीक्षक महेश घायतड करीत आहे.
