दुचाकी चोराला अटक, ४ वाहने जप्त
जळगाव (प्रतिनिधी)-
एलसीबीच्या पथकाने गोलाणी मार्केटमधील दुचाकी चोरीचा छडा लावताना ४ गुन्हे उघडकीस आणले आहेत. संशयित विक्रम चव्हाणला अटक केली त्याच्याकडून ४ दुचाकी हस्तगत करण्यात आल्या आहेत.
जळगांव शहर पो.स्टे.ला मोटारसायकल चोरीबाबत गुन्हा दाखल करण्यात आला होता. स्थानिक गुन्हे शाखा पथकास गोपनीय बातमीदारामार्फत विक्रम चव्हाण (रा.वसंतवाडी) चोरीच्या मोटारसायकल वापरत असल्याची खात्रीशीर बातमी मिळाली होती. पथकाने विक्रम चव्हाण त्याचे घरी असल्याची बातमी मिळाल्यावरून त्यास ताब्यात घेतले.
पोलिसांनी आरोपीकडून चौकशीत जळगांव शहर पो.स्टे.ला दाखल गुन्ह्यातील मो.सा.(क्र.एमएच १९ डीयू ८२३५) हिरो होंडा स्प्लेंडर, (एमएच १९ इसी ३९६८) होंडा शाईन, (एमएच १९बीबी ६००५) हिरो होंडा स्प्लेंडर प्रो आणि जिल्हापेठ पो.स्टे.ला दाखल गुन्ह्यातील मो.सा.क्र..एमएच २० एफ्क्यू ९७२८) होंडा शाईन अशा ४ मोटार सायकल चोरी केल्याची कबुली दिली.
दुचाकी जप्त करण्यात आल्या आहेत. त्याला जळगाव शहर पो.स्टे. च्या ताब्यात देण्यात आले आहे. एलसीबीचे पो.उ.नि.दत्तात्रय पोटे, सफौ विजयसिंग पाटील, अतुल वंजारी, हवालदार अकरम शेख, विजय पाटील, हरिलाल पाटील, प्रविण भालेराव यांनी ही कामगिरी केली आहे.
