साईमत यावल प्रतिनिधी
जळगाव जिल्ह्यातील यावल येथील मराठा विद्या प्रसारक सह समाज संचलित कला, वाणिज्य व विज्ञान महाविद्यालयात भारतीय राज्यघटनेच्या ७५ वर्ष पूर्णत्वानिमित्त एक विशेष पोस्टर स्पर्धा आयोजित करण्यात आली. ही स्पर्धा कवयित्री बहिणाबाई चौधरी उत्तर महाराष्ट्र विद्यापीठाच्या आदेशानुसार राबवण्यात आली, ज्यामध्ये विद्यार्थ्यांना भारतीय संविधानाची माहिती देण्याचे उद्दिष्ट होते. या स्पर्धेत प्र.प्राचार्या डॉ. संध्या सोनवणे आणि उपप्राचार्य प्रा. एम.डी.खैरनार, डॉ.सुधीर कापडे यांच्या मार्गदर्शनाखाली विद्यार्थ्यांनी उत्साहाने भाग घेतला.
स्पर्धेत एकूण १४ विद्यार्थ्यांनी सहभाग नोंदवला. प्रथम क्रमांकावर प्रथम वर्ष वाणिज्यातील दीपिका विजय बरी, द्वितीय क्रमांकावर दीक्षा राजू पंडित (द्वितीय वर्ष कला), तर तृतीय क्रमांकावर तेजश्री सुनील कोलते (तृतीय वर्ष कला) यांनी यशाचे मानकरी ठरले. या कार्यक्रमाच्या यशस्वीतेसाठी प्रा.अक्षय सपकाळे, प्रा.नरेंद्र पाटील, प्रा.सि टी वसावे, प्रा.रूपाली शिरसाट, डॉ.वैशाली कोष्टी, प्रा.प्रतिभा रावते, प्रा.रामेश्वर निंबाळकर, प्रा.सुभाष कामडी, प्रा.हेमंत पाटील, प्रा.अर्जुन गाढे यांच्यासह महाविद्यालयातील सर्व शिक्षक व शिक्षकेत्तर कर्मचाऱ्यांनी परिश्रम घेतले.
