क्षत्रिय अहिर शिंपी समाज मध्यवर्ती संस्था, शिंपी समाजाच्या मागणीला यश
साईमत/चाळीसगाव/प्रतिनिधी
अखिल भारतीय श्री क्षत्रिय अहिर शिंपी समाज मध्यवर्ती संस्था व समस्त शिंपी समाजाची अनेक वर्षापासूनच्या मागणीला यश मिळाले आहे. मंत्रिमंडळच्या बैठकीत महाराष्ट्र सरकारने शिंपी समाजासाठी आर्थिक विकास महामंडळ स्थापन करण्याचे ठरविले आहे.
या मागणीसाठी शिंपी समाजातील सर्व पोटजातीतील संघटनांनी सरकारकडे अनेकदा निवेदन व पत्रव्यवहार केले होते. ६ सप्टेंबर २०२४ रोजी सागर बंगला, मुंबई येथे समस्त शिंपी समाजाच्या मेळाव्यात अखिल भारतीय श्री क्षत्रिय अहिर शिंपी समाज मध्यवर्ती संस्था व इतर संघटनांनी महाराष्ट्र सरकारच्या मंत्र्यांजवळ श्री संत नामदेव महाराज आर्थिक विकास महामंडळाची मागणी केली होती.
मेळाव्याला राष्ट्रीय अध्यक्ष वनेश खैरनार, विश्वस्त मंडळ व पदाधिकारी उपस्थित होते. मध्यवर्ती संस्थेबरोबरच हे समस्त शिंपी समाजाचे यश असून महामंडळाचा शिंपी समाजातील बेरोजगार व व्यावसायिकांना फायदा होणार आहे.
यांचे मानले आभार
अखिल भारतीय श्री क्षत्रिय अहिर शिंपी समाज मध्यवर्ती संस्थेतर्फे महाराष्ट्राचे मुख्यमंत्री एकनाथ शिंदे, उपमुख्यमंत्री देवेंद्र फडणवीस, अजित पवार यांच्यासह समस्त मंत्री, या मागणीसाठी पाठपुरावा करणारे आमदार, खासदार यांचे आभार मानले आहेत.
