शिवाजी चौकात दसऱ्यापर्यंत स्वच्छता मोहीम राबविण्यात येणार
साईमत/जळगाव/प्रतिनिधी
महानगरपालिकेच्या आरोग्य विभागातील सफाई कर्मचारी व मेहतर समाज समितीतर्फे नवरात्रीनिमित्त पहाटे चार ते सहा या वेळेत पिंप्राळा परिसरातील भवानी मंदिर ते पिंप्राळ्यातील शिवाजी चौक येथे दसऱ्यापर्यंत स्वच्छता मोहीम राबविण्यात येणार आहे.
नवरात्रीनिमित्त मंदिरात भाविकांकडून निर्माल्य तसेच रस्त्यावर कचरा फेकण्यात येत असल्याने रस्त्यावर अस्वच्छता पसरल्याने नवरात्री उत्सवात मंदिर परिसरात तसेच रस्त्यावर कचरा असल्याने येताना-जातांना कचरा पडलेला असतांना परिसरात स्वच्छता असली पाहिजे व माणुसकीच्या नात्याने आपण दररोज निस्वार्थीपणे सामाजिक बांधिलकी जोपासुन सेवा केली पाहिजे, या हेतुने स्वच्छता मोहीम राबविण्यात येत आहे.
असे कर्मचारी घेताहेत परिश्रम
महानगरपालिकेच्या आरोग्य विभागातील सफाई कर्मचारी व मेहतर समाज समितीतर्फे नवरात्रीनिमित्त दररोज पहाटे ४ ते ६ या वेळेत स्वच्छता मोहीम राबविण्यात येत आहे. स्वच्छता मोहिमेत महानगरपालिकेचे आरोग्य निरीक्षक रमेश कांबळे यांच्या मार्गदर्शनाखाली सफाई कर्मचारी राजेश घुसर, सुंदरलाल खरारे, मुकेश थांबेत, विजय तंबोली, शंकर हंसकर, ज्ञानेश्वर तंबोली, उज्ज्वल खरारे यांनी परिश्रम घेत आहे.
