सतपंथ मंदिरातही सामूहिक पूजन
साईमत/फैजपूर, ता.यावल/प्रतिनिधी :
शहरात हरतालिका पूजनानिमित्त ठिकठिकाणी सामूहिक पूजन करण्यात आले. दत्त डेअरीचे संचालक माधव हरी भोई यांच्या निवासस्थानी परिसरातील सर्व महिलांनी सामूहिक हरतालिका पूजन केले. यादिवशी महिला दिवसभर निरंकट उपवास करतात. जन्मोजन्मी हाच पती मिळावा, यासाठी प्रार्थना करून परिवाराला सुख-शांती समृद्धी मिळावी, अशी प्रार्थना करतात. हरतालिकेची विधिवत पूजा पुरोहितद्वारे करून दुसऱ्या दिवशी नैवेद्य दाखवून उपवास सोडतात. ही परंपरा गेल्या अनेक वर्षापासून सुरू आहे. ती प्रथा कायम हरतालिकेला महिला उपवास व्रत करून करत आहे.
सुनिता भोई यांनी पुढाकार घेऊन सामूहिक हरतालिका पूजनासाठी सहकार्य केले. लक्ष्मी नगरमधील महालक्ष्मी मंदिरात सामूहिक हरतालिका पूजन करण्यात आले. भवानी माता मंदिरात सामूहिक हरतालिका पूजन करण्यात आले. पुरोहित हिमांशू जोशी यांनी विधिवत पूजा केली. सतपंथ मंदिरातही सामूहिक पूजन करण्यात आले. मंदिरात दरवर्षी धार्मिक सामूहिक कार्यक्रम महामंडलेश्वर जनार्दन हरीजी महाराज यांच्या मार्गदर्शनाखाली होत असतात.
