साईमत, जळगाव : प्रतिनिधी
जळगाव नगरीचे माजी आमदार तथा महाराष्ट्राचे माजी गृहनिर्माण मंत्री सुरेशदादा जैन यांच्या ८० व्या वाढदिवसानिमित्त कार्यक्रमाचे नियोजन माजी महापौर जयश्री महाजन तसेच माजी विरोधीपक्ष नेते सुनील महाजन यांच्यावतीने दादांच्या निवासस्थानी केले होते. आपल्या आजपर्यंतच्या राजकारणातील यशाचे संपूर्ण श्रेय म्हणजेच दादांचा आशीर्वाद असे मानून महाजन दाम्पत्याकडून दादांना एक किलो चांदीची गदा स्नेह भेट म्हणून देण्यात आली.
सलग ९ वेळा जळगाव शहराचे आमदार म्हणून प्रतिनिधित्व करणारे सुरेशदादा यांची लोकप्रियता अजूनही कायम आहे. जळगाव शहराच्या विकासात त्यांचा सर्वात मोठा वाटा राहिलेला आहे. त्यांच्या स्वप्नातील शहर घडविण्याचे व्रत घेतलेल्या जळगाव नगरीच्या माजी महापौर जयश्री महाजन यांच्यावतीने वाढदिवसानिमित्त दादांना ८१ किलो गुलाब पुष्पांचा हार घालून दादांच्या हस्ते ८१ किलो वजनाचा केक कापून वाढदिवस साजरा केला.
याप्रसंगी रत्ना भाभी जैन, राजेश जैन, मीनाक्षी जैन, माजी महापौर नितीन लढ्ढा, माजी नगरसेवक कैलास सोनवणे, विराज कावडीया यांच्यासह अनेक मान्यवर, दादा प्रेमींची उपस्थिती होती.
