साईमत, चाळीसगाव : प्रतिनिधी
येथील पत्रकार तथा सामाजिक कार्यकर्ते रणधीर जाधव यांना उत्कृष्ट तालुका प्रतिनिधी म्हणून नुकतेच सन्मानित करण्यात आले. सातारा जिल्ह्यात झालेल्या एका कार्यक्रमात त्यांना गौरविण्यात आले. याबद्दल रणधीर जाधव यांच्यावर पंचक्रोशीतून कौतुकाचा वर्षाव होत आहे. सामाजिक कार्यासह पत्रकारिता क्षेत्रात प्रामाणिक काम केल्याची पावती असल्याची प्रतिक्रिया रणधीर जाधव यांनी व्यक्त केली.
सातारा जिल्ह्यातील फलटण येथे ‘एव्हीबी माझा’ चॅनलचा पाचवा वर्धापन दिन नुकताच उत्साहात साजरा करण्यात आला. कार्यक्रमात चाळीसगाव येथे तालुका प्रतिनिधी म्हणून काम पाहणारे तसेच सामाजिक कार्यात अग्रेसर असणारे पत्रकार रणधीर जाधव यांना ‘एव्हीबी माझा’चे मुख्य संपादक विजय भिसे यांच्या हस्ते उत्कृष्ट तालुका प्रतिनिधी म्हणून गौरविण्यात आले. याप्रसंगी सातारा जिल्हाधिकारी जितेंद्र डुडी, पोलीस अधीक्षक समीर शेख, मुख्याधिकारी ज्ञानेश्वर खिलारी, उपविभागीय अधिकारी सचिन ढोले, उपविभागीय पोलीस अधिकारी राहुल धस, तहसीलदार अभिजीत जाधव, गटविकास अधिकारी चंद्रकांत बोडरे यांच्यासह ‘एव्हीबी माझा’चे राज्यभरातील प्रतिनिधी, विविध क्षेत्रातील मान्यवर उपस्थित होते.
