इंदिराबाई ललवाणी विद्यालयाला जिल्हास्तरीय डॉजबॉल स्पर्धेत तिहेरी मुकुट

0
43

साईमत, जामनेर : प्रतिनिधी

महाराष्ट्र राज्य क्रीडा व युवक सेवा संचालनालय पुणे, जळगाव जिल्हा क्रीडा अधिकारी कार्यालय, जिल्हा क्रीडा परिषद व जळगाव जिल्हा डॉजबॉल असोसिएशन यांच्यातर्फे बी.यु.एन.रायसोनी विद्यालय, जळगाव येथे डॉजबॉल स्पर्धा नुकत्याच घेण्यात आल्या. त्यात १७ वर्ष आतील मुले, मुली, तथा १९ वर्ष आतील मुले या तीनही गटात शालेय जिल्हास्तरीय डॉजबॉल स्पर्धेत इंदिराबाई ललवाणी माध्य.व उच्च माध्य.विद्यालयाचा संघ प्रथम क्रमांक पटकावून विभागीय स्पर्धेसाठी पात्र ठरला आहे.

विभागीयस्तरीय स्पर्धेसाठी निवड झाल्याबद्दल इंदिराबाई ललवाणी शैक्षणिक संकुलाचे सचिव किशोर महाजन यांच्या हस्ते सर्व खेळाडूंचा सत्कार करण्यात आला. याप्रसंगी मुख्याध्यापक एस.आर.चव्हाण, उपमुख्याध्यापक एस.एन.चवरे, उपप्राचार्य प्रा.के.एन.मराठे, क्रीडा विभाग प्रमुख जी.सी.पाटील, बी.पी.बेनाडे, गजानन कचरे, प्रा.समीर घोडेस्वार आदी मान्यवर उपस्थित होते.

खेळाडुंना क्रीडा विभाग प्रमुख जी.सी.पाटील, उच्च माध्यमिक विभागाचे क्रीडा शिक्षक प्रा.समीर घोडेस्वार, डॉजबॉल राष्ट्रीय खेळाडू सुष्मित पाटील यांचे मार्गदर्शन लाभले. महाराष्ट्र राज्य डॉजबॉल असोसिएशनचे उपाध्यक्ष राजेश जाधव, जळगाव जिल्हा डॉजबॉल असो.चे सचिव योगेश सोनवणे तसेच शाळेतील सर्व शिक्षक, शिक्षकेतर कर्मचाऱ्यांनी कौतुक केले.

खेळाडूंची नावे, गट असे :

१७ वर्षाआतील मुलांच्या गटात : तेजस राऊत, सोहम जाधव, पंकज गव्हांडे, तन्मय पाटील, सचिन गव्हांडे, भावेश शिंदे, रामेश्वर परिहार, योगेश पवार, तेजस सपकाळे, सार्थक पाटील.
१७ वर्षाआतील मुलींच्या गटात : श्रद्धा शिंदे, मिताली मिस्तरी, प्राची थोरात, जान्हवी पाटील, सलोनी न्हावी, हर्षदा शिंदे, प्रांजली न्हावी, सलोनी वाघ, संचिता पाटील, योगिता इंगळे.
१९ वर्षाआतील मुलांच्या गटात : विनायक सपकाळे, विनायक कोळी, शुभम पवार, पियुष थोरात, धीरज वंजारी, धीरज बारी, गुंजन पाटील, सुमित चिंचोले, गोविंदा कोळी, हर्षल उदमले यांचा समावेश आहे.

LEAVE A REPLY

Please enter your comment!
Please enter your name here