साईमत, भडगाव : प्रतिनिधी
तालुक्यातील पिचर्डे गावात एका झोपडीत बांधलेल्या ११ बकऱ्यांचा हिंस्त्र प्राण्यांकडून फडशा पाडला आहे. त्यामुळे महिलेचे आर्थिक नुकसान झाले आहे. पंचनामा करून शासनाकडून तातडीने मदत देण्यात यावी, अशी मागणी केली आहे.
भडगाव तालुक्यातील पिचर्डे येथील नर्मदाबाई सहादु भील यांच्या घरासमोरील झोपडीत रात्री बांधलेल्या ११ बकऱ्यांना हिंस्रप्राणीने फडशा पाडला. अतिशय गरीब परिस्थितीतून नर्मदाबाई भील यांनी एवढ्या ११ बकऱ्या एक एक रुपया जमवून घेतल्या होत्या. सकाळी वनविभागचे वनरक्षक दुर्गादास वानखेडे यांनी घटनास्थळी येऊन पंचनामा केला. यावेळी पिचर्डेचे पोलीस पाटील चेतना पाटील, उपसरपंच दीपक महाजन, ग्रामपंचायतीचे सदस्य विजय महाजन, जगदीश पाटील, माजी उपसरपंच विनोद बोरसे, माजी पोलीस पाटील हेमराज महाजन, सोबत ज्ञानेश्वर भील, किशोर सोनवणे, अरूण जोशी यांच्यासह गावातील ग्रामस्थ उपस्थित होते.
