साईमत, चाळीसगाव : प्रतिनिधी
येथील चाळीसगाव कन्नड घाटात सततचा पाऊस सुरु असल्याने रविवारी, २४ सप्टेंबर रोजी दुपारी घाटात दरड कोसळली. मात्र, त्यात काही जीवितहानी झाली नाही. काही तासात नॅशनल हायवे पोलिसांनी घाटातील कोसळलेले दगड बाजूला करून वाहतूक सुरळीत केली. ही घटना म्हसोबा मंदिराजवळ घडली. घाटात सुदैवाने कोणतेही जीवितहानी झाली नाही. प्रवास सावध राहून करा, पावसाचे दिवस आहे. सध्या अवजड वाहनास हायकोर्टाने बंदी घातल्याने लहान चारचाकी वाहन घाटातून जाण्यास परवानगी आहे. टू व्हीलर गाडी चालकांनी सतर्क राहून प्रवास करावा, असे हायवे पोलिसांनी आवाहन केले आहे.
