साईमत, पाचोरा : प्रतिनिधी
पाचोरा-भडगाव मतदारसंघात सर्वसामान्य तळागाळातील नागरिकांना शासकीय योजनांचा लाभ मिळfवण्यासाठी किंवा अर्जासाठी इतर कागदपत्रे आणि दाखले मिळfवण्यासाठी शासकीय कार्यालयात हेलपाटे घालावे लागायचे. या सर्व गोष्टीतून नागरिकांना दिलासा मिळावा, यासाठी सरकारतर्फे ‘ शासन आपल्या दारी ‘ उपक्रम राबविला जात आहे. पाचोरा येथील एम.एम.कॉलेज ग्राउंडवर ९ सप्टेंबर रोजी सकाळी ११ वाजता हा उपक्रम आयोजित केला आहे. या उपक्रमात सुमारे १० हजार लाभार्थ्यांना लाभ मिळणार आहे.
‘ शासन आपल्या दारी ‘ उपक्रमासाठी पाचोरा येथे भडगाव रस्त्यावरील एम.एम.कॉलेजच्या ग्राऊंडवर मंडप उभारणीचे कामही सुरु केले आहे. उपक्रमाला मुख्यमंत्री एकनाथ शिंदे, उपमुख्यमंत्री अजित पवार, देवेंद्र फडणवीस, ग्रामविकास व पंचायत राज, पर्यटन मंत्री ना. गिरीश महाजन, पाणी पुरवठा व स्वच्छता तथा जळगाव पालकमंत्री ना.गुलाबराव पाटील, उद्योग मंत्री ना.उदय सामंत, सार्वजनिक बांधकाम ( सार्वजनिक उपक्रम ) ना. दादाजी भुसे, सार्वजनिक आरोग्य व कुटुंब कल्याण मंत्री ना. तानाजी सावंत, अल्पसंख्यांक विकास व ओकाफ पणन मंत्री ना. अब्दुल सत्तार, आपत्ती व्यवस्थापन मंत्री ना.अनिल पाटील उपस्थित राहणार आहेत.
