साईमत, जळगाव ः प्रतिनिधी
येथील काशिनाथ पलोड पब्लिक स्कूलमध्ये गुरुवारी चांद्रयान ३ मोहीम यशस्वी झाल्यामुळे आनंद उत्सव जल्लोषात साजरा करण्यात आला. या कार्यक्रमात प्राचार्य प्रविण सोनवणे व समन्वयिका स्वाती अहिरराव यांनी सहभाग घेतला होता. सर्वप्रथम इयत्ता तिसरी ते पाचवीच्या विद्यार्थ्यांनी शाळेत रॅली काढली. विद्यार्थ्यांनी विविध घोषवाक्य तयार केले होते. रॅलीमध्ये विद्यार्थ्यांनी जल्लोषात घोषणा दिल्या. त्यानंतर शाळेच्या मैदानावर विद्यार्थांनी इस्त्रो (आयएसआरओ) या शब्दाचे मानवी संचालन केले. विद्यार्थी व शिक्षकांनी या आनंदोत्सवात उत्स्फूर्त सहभाग घेतला.