साईमत, वरणगाव ः प्रतिनिधी
वरणगावातील एका ३० वर्षीय युवकाने आपल्या दुकानातच गळफास घेवून जिवन यात्रा संपवली. हि घटना मंगळवारी दुपारी उघडकीस आल्याने खळबळ उडाली. तर आत्महत्येचे कारण अद्याप गुलदस्त्यात असुन शहरात चर्चेला उधाण आले आहे. शहरातील स्टेशन रोडवर असलेल्या मिर्जा स्टिल फर्निचरचे मालक अल्ताफ बेग मिर्जा ( रा. खिडकी वाडा, वरणगाव) यांचा ३० वर्षीय मुलगा शाहीद हा दुकानातील कामे सांभाळत होता. शाहीदचे वडील बाहेर गावी गेले असल्याने सोमवारी रात्री शाहीद हा उशिरा पर्यंत दुकानातील काम करीत होता. मात्र, मंगळवारीही शाहीद घरी न आला नाही यामुळे त्याचा शोध घेतला असता दुकानाचे पुढील शटर बंद असल्याने दुकानाच्या मागील दरवाज्याने शोध घेतला असता त्याने दुकानावरील पत्र्याच्या अँगलला दोरीच्या साह्याने गळफास घेऊन आपली जिवन यात्रा संपवल्याचे निदर्शनास आल्याने शहरात एकच खळबळ उडाली. याबाबत शेख मोबीन शेख सकावत यांच्या खबरवरुन पोलीस ठाण्यात अकस्मात मृत्युची नोंद करण्यात आली. तर शाहीदच्या आत्महत्येचे कारण अद्याप गुलदस्त्यात असुन त्याच्या पश्चात पत्नी, एक मुलगा, आईवडील व एक भाऊ असा परिवार आहे. घटनेचा वरीष्ठांच्या मार्गदर्शनाखाली पोहेकॉ नागेंद्र तायडे पुढील तपास करीत आहेत.
