साईमत, चाळीसगाव : प्रतिनिधी
शिक्षण घेताना इंग्रजी माध्यमाच्या शाळाच पाहिजे असे नाही. कारण मराठी शाळेतही चांगले शिक्षण मिळते. विद्यार्थ्यांनी जिद्द आणि चिकाटीने अभ्यास केल्यास यश तुमचेच असेल, असे प्रतिपादन चाळीसगाव शहर पोलीस निरीक्षक संदीप पाटील यांनी केले. ते शहरातील पवारवाडी स्थित विठ्ठल रुख्मिणी मंदिर सभागृहात रयत सेनेतर्फे आयोजित गुणवंत विद्यार्थी सत्कार व शालेय साहित्य वाटपप्रसंगी बोलत होते. १० वी आणि १२ वीच्या विद्यार्थी, विद्यार्थिनीचा गौरवपत्र देवून सत्कार करण्यात आला. ५ ते ७ वीच्या १०० विद्यार्थ्यांना शालेय साहित्य वाटप मान्यवरांच्या हस्ते वाटप करण्यात आले. अध्यक्षस्थानी पोलीस निरीक्षक संदीप पाटील होते. प्रमुख पाहुणे म्हणून रा. वि. चे संचालक प्रमोद पाटील, डॉ.संदीप देशमुख, मा. नगरसेवक चंद्रकांत तायडे, प्रा.डॉ.साधना निकम, स्वामी विवेकानंद विद्यालयाचे मुख्याध्यापक एम.आर.जावळे आदी उपस्थित होते.
यावेळी उपस्थित मान्यवरांच्या हस्ते छत्रपती शिवाजी महाराजांच्या पुतळ्याचे पूजन करण्यात आले. १० वी आणि १२ वीच्या विद्यार्थी, विद्यार्थिनी यांचा गौरवपत्र देवून सत्कार करण्यात आला. त्यानंतर स्वामी विवेकानंद विद्यालयाच्या ५ ते ७ वीच्या १०० विद्यार्थ्यांना शालेय साहित्याचे वाटप मान्यवरांच्या हस्ते करण्यात आले.
यांची होती उपस्थिती
कार्यक्रमास उत्तर महाराष्ट्राचे अध्यक्ष आबासाहेब गरुड, जामडीचे दीपक राजपूत, संभाजी ब्रिगेडचे तालुका उपाध्यक्ष गोरख साळुंखे, पी.जी.पाटील, डी. ए.पाटील, एस.आर.पाटील, केशव वाघ, सर्कल गणेश लोखंडे, मा.सभापती शिवाजी आमले, शेतकरी संघाचे संचालक अरुण पाटील, ॲड. राहुल वाकलकर, कबीर फाउंडेशनचे अध्यक्ष स्वप्निल जाधव, तेली युवा मंचचे अनिल ठाकरे, भैय्या राजपूत, सतीश पवार, भिकन पवार, सुनील पवार, रयत सेनेचे पी.एन.पाटील, प्रमोद वाघ, खुशाल मराठे, नाना शिंदे, दिनेश चव्हाण, हेमंत पाटील, दीपक देशमुख, प्रदीप मराठे, स्वप्निल गायकवाड, सागर जाधव, छोटू अहिरे, अनिल कोल्हे, विजय दुबे, गोपाल पाटील, नरेंद्र पाटील, छोटू पाटील, भगवान पाटील आदी उपस्थित होते.
यावेळी रा. वि. चे संचालक प्रमोद पाटील, वाहतूक शाखेचे सहा. पोलीस निरीक्षक तुषार देवरे, बापूराव पवार, मिलींद चांदसरे यांनीही मनोगत व्यक्त केले. यशस्वीतेसाठी प्रमोद वाघ, स्वप्नील गायकवाड, सागर जाधव, मुकुंद पवार, भरत नवले यांनी परिश्रम घेतले. प्रास्ताविकातून रयत सेनेचे संस्थापक अध्यक्ष गणेश पवार यांनी रयत सेनेने सामाजिक क्षेत्रात केलेल्या कार्याचा उल्लेख केला. सूत्रसंचालन सचिन नागमोती तर गणेश पवार यांनी आभार मानले.
