साईमत, चाळीसगाव : प्रतिनिधी
भडगाव तालुक्यातील गोंडगाव येथील ९ वर्षीय बालकेवर अत्याचार करून तिला जिवे मारणाऱ्या आरोपीवर कडक कारवाई झालीच पाहिजे, अशा आशयाचे निवेदन मुस्लिम समाजातर्फे तीव्र निषेध करत पोलीस निरीक्षक संदीप पाटील यांच्या मार्गदर्शनाखाली सहाय्यक पोलीस निरीक्षक विशाल टकले, तहसीलदार प्रशांत पाटील यांना देण्यात आले.
ही घटना माणुसकीला काळीमा साधणारी ठरली आहे. अशा घटनांमध्ये अनेक ठिकाणी वाढ होत आहे. अगदी मोठमोठ्या शहरांपासून ते ग्रामीण भागात अशा माणुसकीला लाजविणारे कृत्य घडू लागले आहे. चिमुकलीच्या खूनप्रकरणी आरोपीला फाशीची शिक्षा व्हावी, अशी मागणी मुस्लिम समाजाने निवेदनाद्वारे केली आहे.
निवेदन देतेवेळी मुस्लिम समाजाचे कार्येकर्ते सलमान खान, नगरसेवक फकिरा मिर्झा, वसीम शेख, अलीम शेख, बाबा ठेकेदार, हुशाम शेख, फहीम शेख, नासिर शेख, शरीफ शेख, जहांगीर शेख, पत्रकार मुराद पटेल, फैजल पटेल आदी उपस्थित होते.
