पंतप्रधान नरेंद्र मोदी (pm narendra modi) यांच्या आई हिराबेन (heeraben modi) या शनिवारी (१९ जून ) रोजी १०० व्या वर्षात पदार्पण करत आहेत. यानिमित्ताने नरेंद्र मोदी हे आईची भेट घेणार आहेत. गांधीनगर मनपा यावेळी एका रस्त्याला ‘पूज्य हिराबेन मोदी मार्ग’ नाव देणार आहे.
हिराबेन यांच्या वाढदिवसानिमित्त त्यांच्या मुलांनी, त्य्नाचे मूळ गाव वडनगरमध्येही मोठा उत्सव आयोजित केला आहे. या कार्यक्रमाला प्रसिद्ध गायिका अनुराधा पौडवाल यांच्यासह इतर नामवंत कलाकारही कार्यक्रम सादर करतील. हिराबेन या धाकट्या मुलगा (पंकज) सोबत गांधीनगर शहराच्या बाहेरील रायसन गावात राहतात.
गांधीनगर येथे येथेही हिराबेन यांचा वाढदिवस घरी साजरा करण्यात येणार आहे. गांधीनगर येथील एका रस्त्याला हिराबेन यांचे नाव दिले जाणार आहे, अशी माहिती गांधीनगरच्या महापौरांनी दिली आहे.
“हिराबेन यांच्या वाढदिवसानिमित्त रायसन पेट्रोल पंपाजवळील रस्त्याला ‘पूज्य हिराबेन मार्ग’ असे नाव दिले जाईल. त्याचे नाव येणाऱ्या पिढ्यांपर्यंत पोहोचवणे हा यामागचा उद्देश आहे,” असे गांधीनगरचे महापौर हितेश मकवाना यांनी सांगितले.
पंतप्रधान नरेंद्र मोदी या कार्यक्रमाला उपस्थित राहणार आहेत. वडनगर येथील हाटकेश्वर मंदिरात पूजेचं आयोजन करण्यात आलं आहे. पंतप्रधान नरेंद्र मोदी उपस्थित राहणार आहे. त्याशिवाय पीएम मोदी पावागढमध्ये ‘काली माता’ मंदिरात ध्वजारोहणही करणार आहेत.
‘हिराबेन शताब्दीकडे वाटचाल करत असताना आम्ही वडनगर येथील हटकेश्वर मंदिरात नवचंडी यज्ञ आणि सुंदरकांड पठणाचे आयोजन केले आहे. यावेळी मंदिरात संगीत संध्याचेही आयोजन करण्यात आले आहे, असे पंतप्रधानाचे भाऊ प्रल्हाद मोदी यांनी सांगितले.
