स्वामी नारायण मंदीर परिसरात अज्ञात चोरट्याने वृध्द महिलेच्या गळ्यातील सोन्याची चैन
साईमत/फैजपूर/प्रतिनिधी :
येथील स्वामी नारायण मंदीर परिसरात अज्ञात चोरट्याने वृध्द महिलेच्या गळ्यातील १ लाख ६० हजार रुपये किमतीची गळ्यातील सोन्याची चैन जबरी हिसकावून चोरून नेल्याची घटना घडली. याप्रकरणी फैजपूर पोलीस ठाण्यात गुन्हा दाखल करण्यात आला आहे.
याबाबत मिळालेली माहिती अशी की, शारदा प्रदिप चौधरी (वय ६४ रा. लक्ष्मीनगर, जळगाव) हे कुटुंबियांसह वास्तव्याला आहेत. शुक्रवारी ५ डिसेंबर रोजी दुपारी ४ वाजता शारदा चौधरी स्वामी नारायण मंदीरासमोर पायी जात असताना दुचाकीवरून आलेल्या अज्ञात २ भामट्यांनी महिलेच्या गळ्यातील ३० ग्रॅम वजनाची १ लाख ६० हजार रूपये किंमतीची सोन्याची चैन लांबविली.
दरम्यान ही घटना घडल्यानंतर त्यांनी पोलीस ठाण्यात धाव घेवून तक्रार दिली. त्यांनी दिलेल्या तक्रारीवरून अज्ञात दोन जणांविरोधात गुन्हा दाखल करण्यात आला. पुढील तपास पोलीस उपनिरीक्षक मैनुद्दिन हबीब सैय्यद हे करीत आहे.
