साईमत, पाळधी, ता.धरणगाव : वार्ताहर
येथील सूर्या फाउंडेशन संचलित नोबल इंटरनॅशनल स्कूल येथे रक्षाबंधन मोठ्या उत्साहात साजरा करण्यात आला. रक्षाबंधन उत्सवाचे औचित्य साधून शाळेतील विद्यार्थीनींनी पाळधी पोलीस स्टेशनला भेट दिली. समाजसेवेसाठी अहोरात्र मेहनत घेणाऱ्या पोलीस अधिकारी व कर्मचाऱ्यांना राखी बांधून कृतज्ञता व्यक्त केली. चिमुकल्या मुलींचे कौतुक करण्यासाठी पोलीस कर्मचाऱ्यांनी चॉकलेटचे वाटप केले. त्यानंतर शाळेत विद्यार्थिनींसाठी रांगोळी स्पर्धा, राखी बनविणे आदी उपक्रम राबविण्यात आले. विद्यार्थ्यांनीही कार्यक्रमात सहभाग घेतला. यासाठी शाळेच्या अध्यक्षा अर्चना सूर्यवंशी यांचे मार्गदर्शन लाभले. यशस्वीतेसाठी मुख्याध्यापक, विद्यार्थी, शिक्षक, शिक्षकेत्तर कर्मचाऱ्यांनी परिश्रम घेतले.
