साईमत यावल प्रतिनिधी
तालुक्यातील दोनगाव येथील ३७ वर्षीय तरुणाने राहत्या घरात गळफास घेवून आत्महत्या केल्याची धक्कादायक घटना समोर आली असून, याबाबत यावल पोलीसात अकस्मात मृत्यूची नोंद करण्यात आली आहे.
याबाबत माहिती अशी की, तालुक्यातील दोनगाव येथे बळीराम अरूण पाटील (वय-३७) हा तरूण वृध्द आईवडीलांसह वास्तव्याला होता. रविवारी २४ सप्टेंबर रोजी सायंकाळी ७ वाजेच्या सुमारास त्याचे वृध्द आई वडील घराबाहेर बसलेले असतांना आपल्या राहत्या घरातील मधल्या खोलीच्या छताच्या वरील पंख्याला साडीच्या सहाय्याने गळफास घेत आत्महत्या केल्याची घटनासमोर आली आहे.
लग्न होत नाही या नैराश्येतून तरूणाने गळफास घेतल्याचे परिसरातून चर्चिले जात आहे. बळीराम हा अरूण पाटील यांचा एकुलता एक मुलगा होता. याबाबत विवेक धनराज पाटील यांच्या खबरीवरून यावल पोलीस ठाण्यात अकस्मात मृत्युची नोंद करण्यात आली. याबाबत पुढील तपास सहाय्यक फौजदार असलम खान करीत आहे.
