जळगाव स्थानिक गुन्हे शाखेच्या पथकाची कामगिरी
साईमत/जळगाव/प्रतिनिधी :
जबरी चोरीच्या गुन्ह्यातील फरार गुन्हेगारास जळगाव स्थानिक गुन्हे शाखेच्या पथकाने ताब्यात घेतले आहे. अटक केलेल्या गुन्हेगाराचे आशिक बेग असलम बेग ऊर्फ बाबा काल्या (रा. खडका रोड, भुसावळ) असे नाव आहे. गुन्हा घडल्यापासून तो फरार होता. या जबरी चोरीप्रकरणी भुसावळ बाजारपेठ पोलीस स्टेशन येथे गेल्या ७ मे २०२५ रोजी गुन्हा दाखल केला होता. दरम्यान, एलसीबीच्या पथकाने त्याला फैजपूर येथील एका हॉटेलमधून ताब्यात घेतले असल्याचे सांगण्यात आले.
गुन्ह्याच्या तपासकामी स्थानिक गुन्हे शाखेचे पोलीस निरीक्षक संदीप पाटील यांच्या पथकातील पोलीस उपनिरीक्षक शरद बागल यांच्यासह ग्रेड पीएसआय रवी नरवाडे, हे.कॉ. गोपाल गव्हाळे, उमाकांत पाटील, पो.कॉ.विकास सातदिवे, प्रशांत परदेशी, राहुल वानखेडे तसेच फैजपूर पोलीस स्टेशनचे सहायक पोलीस निरीक्षक रामेश्वर मोताळे, पी.एस.आय. मैनुद्दीन सैय्यद, पो.कॉ. जुबेर शेख आदींनी सहभाग घेतला होता.
