साईमत मलकापूर प्रतिनिधी
मलकापूर (Malkapur) ते खामखेड रेल्वे अप रेल्वे ट्रॅकवर एका अज्ञात तरुणाचा मृतदेह आढळला. ही घटना दिनांक 8 ऑगस्ट रात्री उघडकीस आली. याप्रकरणी रेल्वे स्टेशन मास्टर मलकापूर तर्फे ट्रॅकमन किशोर बराटे यांच्या तक्रारीवरून गुन्हा दाखल करण्यात आला.
मयताचे वय अंदाजे पंचवीस वर्ष, रंग- गोरा, लांब केस, लांबट चेहरा, काळे डोळे, नाक सरळ दबके , शरीर बांधा सळपातळ, अंगामध्ये निळ्या कलरची जीन्स असे वर्णन आहे. सदर मृतदेह शवगृहात तीन दिवसांपर्यंत फ्रीज करून ठेवलेले आहे. या इसमाची ओळख पटल्यास मलकापूर शहर पोलीस स्टेशन 07267-222018 वर संपर्क साधावा. असे आव्हान मलकापूर शहर पोलीस स्टेशन तर्फे सहाय्यक पोलीस उपनिरीक्षक गजानन कुलकर्णी यांनी केले आहे.
