साईमत जळगाव प्रतिनिधी
शिवसेना (उबाठा ) तर्फे राज्यभर “होऊ द्या चर्चा ” हे अभियान राबविण्यात येत आहे. त्यासाठीच्या पूर्वतयारीची बैठक शहरातील सरदार वल्लभभाई पटेल लेवा भवन येथे शिवसेना सह संपर्कप्रमुख गुलाबराव वाघ यांच्या अध्यक्षतेत झाली.
यावेळी शिवसेना जिल्हाप्रमुख विष्णू भंगाळे, महापौर जयश्री महाजन, उपमहापौर कुलभूषण पाटील, महानगर प्रमुख शरद तायडे, जिल्हा संघटक गजानन मालपुरे, विरोधी पक्षनेते सुनील महाजन, युवासेना जिल्हाप्रमुख निलेश चौधरी, पियुष गांधी अल्पसंख्यांक आघाडी प्रमुख झाकीर पठाण, महिला आघाडी महानगरप्रमुख गायत्री सोनवणे, मनीषा पाटील, नीलू इंगळे, विमल वाणी, निता संगोळे आदी उपस्थित होते.
शिवसेना पक्ष प्रमुख उध्दव ठाकरे यांच्या आदेशाने केंद्र व राज्य सरकारच्या जण विरोधी धोरणांच्या विरोधात ‘होऊ द्या चर्चा ‘ हे अभियान राबवण्यात येणार असून त्यासाठीचे माहिती देण्यात आली. शहरातील प्रत्येक वार्डात, प्रत्येक गाव पातळीवर हे अभियान यशस्वीपणे कसे राबवता येईल यासंदर्भात माहिती देण्यात आली.
बैठकीस उपमहानगर प्रमुख प्रशांत सुरळकर, गणेश गायकवाड, फरीद खान, विभाग प्रमुख किरण भावसार, शोएब खाटीक, युवासेना उपजिल्हाप्रमुख विजय लाड, अशपाक पिंजारी आदींसह जिल्ह्यातील व शहरातील पदाधिकारी व शिवसैनिक मोठया संख्येने उपस्थित होते. कार्यक्रमाचे सूत्रसंचालन उपजिल्हाप्रमुख भाऊसाहेब सोनवणे यांनी तर आभार प्रदर्शन प्रशांत सुरळकर यांनी केले.
