साईमत/नाशिक/प्रतिनिधी :
ऑलिम्पिक क्रीडा सप्ताह अंतर्गत २४ ते ३० जून दरम्यान विविध खेळांच्या स्पर्धांचे आयोजन केले आहे. त्याप्रमाणे तलवारबाजी, बास्केटबॉल आणि गोल्फ स्पर्धा पार पडल्या. २६ जून रोजी सर्व खेळाडू, क्रीडा संघटक, प्रशिक्षक, आयोजक यांच्या उपस्थितीत नाशकच्या पेठ येथील चामर लेणी येथे बाजी उधळण आणि बीजारोपण कार्यक्रमाचे आयोजन केले होते. यावेळी विविध शाळांच्या २१७ विद्यार्थ्यांनी उत्स्फूर्त सहभाग घेऊन चांगला प्रतिसाद दिला. त्यामध्ये सरस्वती गुलाबराव पाटील शाळा, कोहिनुर इंटरनॅशनल स्कुल, उन्नती विद्यालय आदी शाळांचा समावेश होता. यावेळी आयोजक अशोक दुधारे, अशोक कदम, आनंद खरे, दीपक निकम, सौ. विजया दुधारे, आनंद चकोर, भूषण भटाटे, उत्कर्ष परदेशी, शाळाचे शिक्षक सुनील बिरारी, आरती पुंड, विवेक सोनावणे आदींची उपस्थिती होती. यावेळी १७० झाडे लावण्यात आली तर १५०० सीड बॉल तयार केले होते. उपस्थित विद्यार्थ्यांनी येथे सीड बॉलची उधळण केली.
विद्यार्थ्यांना प्रमाणपत्राचे वाटप
विद्यार्थ्यांसह त्यांच्या शिक्षकांनी गुरुवारी, २६ जून रोजी सकाळी पावसाची सततधार सुरू असूनही परिश्रम घेऊन उपक्रम चांगल्या प्रमाणात पार पडला. निसर्ग संवर्धनात मोलाचा वाटा उचलला, यासाठी आयोजकांच्यावतीने त्यांचे आभार मानले. उपस्थित सर्व विद्यार्थ्यांना प्रमाणपत्राचे वाटप करण्यात आले. याच उपक्रमाअंतर्गत दोन दिवस नाशिकमध्ये पहिल्या मिनी फुटबॉल फाईव्ह राष्ट्रीय स्पर्धेचे आयोजन केल्याची माहिती आयोजकांनी दिली.
