‘पुष्पक’वर होतोय सर्व स्तरातून अभिनंदनाचा वर्षाव
साईमत/जळगाव/प्रतिनिधी :
शहरातील श्रद्धा कॉलनीतील रहिवाशी पुष्पक नरेंद्र अत्तरदे याने आंध्रप्रदेशातील श्री सिटीतील क्रिया विद्यापीठातून एमबीएची (मास्टर ऑफ बिझिनेस ॲडमिनिस्ट्रेशन) पदवी ‘कॉन्टीटेटीव्ह फायनान्स’ विषयातून मिळवून विशेष प्राविण्यासह यश संपादन केले आहे. त्याने शैक्षणिक वर्ष २०२३ -२०२५ या कालावधीत एमबीएमची पदवी संपादन केली आहे. प्रतिकुल परिस्थितीवर मात करत त्याने यश मिळविले आहे. त्याला विद्यापीठातील प्रा.ईश्वरण, प्रा.तपणकार, विभागाच्या डीन माधुरी सरीपल्ली, प्रा.विनोदकुमार यांचे मार्गदर्शन लाभले.
‘रिस्क मॅनेजमेंट’ क्षेत्रात यश मिळविण्याचा मानस
त्याच्या यशात त्याच्या आई-वडिलांसह मित्र परिवाराचा वाटा आहे. भविष्यात ‘रिस्क मॅनेजमेंट’ क्षेत्रात त्याने यश मिळविण्याचा मानस व्यक्त केला आहे. तो नरेंद्र एकनाथ अत्तरदे यांचा चिरंजीव तर शरद अत्तरदे, दै.‘साईमत’चे कॉम्प्युटर ऑपरेटर हेमंत अत्तरदे यांचा पुतण्या आहे. त्याच्या यशाबद्दल त्याच्यावर सर्व स्तरातून अभिनंदनाचा वर्षाव होत आहे.
