साईमत लाईव्ह बोदवड प्रतिनिधी
आयशर गाडीने मोटार सायकलला धडक दिल्याने ३१ वर्षीय मोटार सायकल स्वाराचा जागीच मृत्यू झाला आहे. साळशिंगी ते भानखेड़ा रस्त्यावरील करंजी पुलाजवळ शुक्रवार, सायंकाळी ७ वाजेच्या सुमारास आयशर गाडी क्र. एम. एच. २० ईएल- २११९ने पिंपळगावहून बेटावदकडे जाणाऱ्या मोटार सायकल क्रमांक एम.एच.०५- टी १२१० ने जोरदार धडक दिल्याने मोटार सायकलस्वार भगवान विश्वनाथ उगले (वय ३१) रा. बेटावद खु. ता. जामनेर हा युवक जागीच ठार झाला.अपघात घडताच आयशर चालक घटनास्थळावरून पळून गेला होता. या प्रकरणी पोलिसात आयशर चालक आकाश बनकर वय २० रा. पान वडोद ता.सिल्लोड जि .औरंगाबाद याच्या विरुध्द भा.द.वि. कलम ३०४(अ),२७९,४१९,सह मोटार वाहन कायद्यानुसार गुन्हा दाखल झाला असून पुढील तपास पो. कॉ.अयुब तडवी करीत आहेत.
