साईमत जळगाव प्रतीनिधी
केसीई इंस्टीट्यूट ऑफ मैनेजमेंट एंड रिसर्चच्या एमसीए शाखेच्या १० विद्यार्थ्यांची पुणे स्थित ग्राव्हीटी सोफ्टवेअर तर्फे निवड करण्यात आली. त्यांची निवड ही आयटी कंपनीत लाइव्ह प्रोजेक्टसाठी झाली असून त्यांना कंपनीतर्फे तीन महिन्यांची विशेष ट्रेनिंग सुद्धा दिली जाणार आहे. सेमिनारला आयएमआरचे ८९ विद्यार्थी उपस्थित होते.
यावेळी एमसीए शाखेच्या विद्यार्थ्यांसाठी ग्राव्हीटी सोफ्टवेअरचे संचालक निखील चौधरी ह्यांनी चार तासांचा सेमिनार घेतला, ज्यात त्यांनी आयटी कंपनीत नोकरीसाठी प्रयत्न कसे करावे, त्यासाठी कुठल्या स्किल्स लागतात, त्या कश्याप्रकारे साध्य कराव्यात, आयटी कंपनीत इंटरव्यूची तयारी कशी करावी, रेज्युमे कसा बनवावा, सध्या भारतात आणि जगात कुठल्या आयटी क्षेत्रात जास्त वाव आणि नोकरीच्या संधी आहेत तसेच त्यांनी जावा टेक्नोलॉजीवर देखील विद्यार्थ्यांना प्रक्टिकल ट्रेनिंग दिली.
कार्यक्रमाच्या सुरुवातीला आयएमआरच्या संचालिका डॉ. शिल्पा बेंडाळे यांनी विद्यार्थ्यांना मार्गदर्शन करतांना संधीचा लाभ घेऊन स्वतःचे उज्ज्वल भविष्य घडविण्याचे आणि त्यासाठी मेहनत घेण्याचे मंत्र दिले. मंचावर अकादमिक डीन डॉ. तनुजा फेगडे, एमसीए कोर्डीनेटर प्रा. उदय चतुर हे उपस्थित होते. सेमिनारचे संचालन आणि सूत्रसंचालन ट्रेनिंग एंड प्लेसमेंट हेड प्रा. पुनीत शर्मा यांनी केले.
