जळगाव जि.प.च्या मुख्य कार्यकारी अधिकाऱ्यांकडून प्रलंबित मागणी मान्य
साईमत/जळगाव/प्रतिनिधी :
गेल्या अनेक वर्षांपासून जिल्हा परिषदेच्या ग्रामीण पाणी पुरवठा विभागांतर्गत ८० गावांच्या पाणी पुरवठा योजनेवर कार्यरत ६८ कर्मचाऱ्यांना सातव्या वेतन आयोगाचा लाभ देण्याची मागणी प्रलंबित होती. अशा प्रलंबित मागणीची दखल घेत जिल्हा परिषदेच्या मुख्य कार्यकारी अधिकारी अर्थात सीईओ मीनल करनवाल यांनी मागणी मान्य केल्याचे सांगण्यात आले.
सातव्या वेतन आयोगाचा लाभ ६८ कर्मचाऱ्यांना निर्णयाअंतर्गत लेखी आदेशाद्वारे प्रदान केला आहे. अशा लाभार्थी कर्मचाऱ्यांमध्ये कार्यरत कर्मचारी, सेवानिवृत्त कर्मचारी तसेच दिवंगत कर्मचाऱ्यांचाही समावेश आहे. लाभ मंजूर केलेल्या कर्मचाऱ्यांमध्ये १७ दिवंगत कर्मचारी यांचा सहभाग आहे.
कर्मचाऱ्यांना मिळणाऱ्या आर्थिक लाभात होणार वाढ
कर्मचाऱ्यांच्या न्याय्य हक्कांना हा निर्णय दिलेले समर्थन आहे. त्यामुळे त्यांच्यामध्ये समाधानाची भावना निर्माण झाली आहे. जिल्हा परिषदेच्या निर्णयाचे सर्व स्तरातून स्वागत होत आहे. अशा निर्णयामुळे ६८ कर्मचाऱ्यांना मिळणाऱ्या आर्थिक लाभात वाढ होणार आहे.
