एमआयडीसी पोलिसात दोघांवर गुन्हा दाखल
साईमत/जळगाव/प्रतिनिधी :
शहरातील जे.के.पार्क परिसरात अवैधपणे गांजाचा नशा करणाऱ्या दोन जणांवर एमआयडीसी पोलिसांनी गुरूवारी, १५ मे रोजी दुपारी ४ वाजता कारवाई केली आहे. त्यांच्याकडून नशा करण्याचे साहित्य हस्तगत केले आहे. याप्रकरणी एमआयडीसी पोलीस ठाण्यात दोघांवर गुन्हा दाखल केल्याचे सांगण्यात आले.
सविस्तर असे की, जळगाव शहरातील जे.के.पार्क परिसरात काहीजण गांजाचा नशा करत असल्याची गोपनिय माहिती एमआयडीसी पोलिसांना मिळाली होती. त्यानुसार पोलिसांनी १५ मे रोजी दुपारी ४ वाजता कारवाई करत आसीफ खान आलीयान खान (वय ४२) आणि शेख मेहेमुद शेख महेबुब (वय ५३, दोन्ही राहणार तांबापूरा, जळगाव) यांच्यावर कारवाई केली आहे. त्यांच्याकडून गांजा आणि साहित्य जप्त केले आहे.
याप्रकरणी पो.कॉ. विशाल कोळी यांनी दिलेल्या फिर्यादीवरून दोघांवर एमआयडीसी पोलिसात गुन्हा दाखल केला आहे. तपास पो.हे.कॉ. रामदास कुंभार करीत आहे.
