महाआरतीचे सहाय्यक पोलीस निरीक्षक यांच्या हस्ते पूजन
साईमत/फैजपूर/प्रतिनिधी
येथील देविवाडातील साई ग्रुप संभाजी राजे मित्र मंडळातर्फे नवरात्र उत्सवनिमित्त दररोज विविध कार्यक्रम घेण्यात येत आहे. मंगळवारी सायंकाळी महाआरती ५६ भोगचा कार्यक्रम घेण्यात आला. महाआरतीचे पूजन सहाय्यक पोलीस निरीक्षक रामेश्वर मोताळे यांच्या हस्ते करण्यात आली. यावेळी ५१ जोडपे महाआरतीसाठी उपस्थित होते. मातेला ५६ भोग नैवेद्य दाखविण्यात आला. पुरोहित दीपक पाठक यांनी धार्मिक विधीवत पूजन केले.
यावेळी एमपीएससीच्या परीक्षेत मेडिकल ऑफिसरच्या परीक्षेत महाराष्ट्रातून प्रथम आलेल्या डॉ.दीपल प्रशांत पाटील यांचा शाल, श्रीफळ देऊन सन्मान करण्यात आला. तसेच महाराष्ट्र शासनाचा सावित्रीबाई फुले आदर्श शिक्षिका पुरस्कार अश्विनी कोळी यांना मिळाल्याबद्दल त्यांचाही मंडळातर्फे सहाय्यक पोलीस निरीक्षक रामेश्वर मोताळे यांनी सन्मान केला. यावेळी डॉ. उमेश चौधरी, पप्पू चौधरी, राजू महाजन, बबलू चौधरी, सचिन साळी, देवा चौधरी यांच्यासह महिला भाविक भक्तगणांची उपस्थिती होती.
