साईमत, चाळीसगाव : प्रतिनिधी
माजी केंद्रीय मंत्री प्रफुल्ल पटेल यांनी छत्रपती शिवाजी महाराजांचा जिरेटोप प्रधानमंत्री नरेंद्र मोदींना घातल्याने समस्त महाराष्ट्रात शिवप्रेमींमध्ये प्रचंड संतापाची लाट उसळली आहे. छत्रपती शिवाजी महाराजांचा हा अवमान असल्याने चाळीसगाव येथे तहसील कार्यालयासमोर शिवप्रेमी संघटनेच्यावतीने शुक्रवारी १७ रोजी प्रफुल्ल पटेल यांच्या प्रतिकात्मक प्रतिमेला ‘जोडोमारो’ आंदोलन करून निषेध व्यक्त करण्यात आला.
आंदोलनात लक्ष्मण शिरसाठ, गणेश पवार, प्रदीप देशमुख, प्रा.चंद्रकांत ठाकरे, प्रदीप मराठे, खुशाल पाटील, मुकुंद पवार, पी.एन.पाटील, ज्ञानेश्वर सोनार, भरत नवले, प्रवीण पाटील, सुधीर पाटील, दीपक देशमुख, किरण पवार, दिलीप बिराजदार, जितेंद्र पाटील, राजेंद्र पाटील, ज्ञानेश्वर कोल्हे, प्रदीप पाटील, सुनील चव्हाण, अविनाश काकडे, मंगेश साबळे, शिवाजी गवळी, मनोज भोसले, महेंद्र पाटील, गोपाल पाटील, विजय देशमुख, मनोहर सूर्यवंशी, आबासाहेब सोनवणे, लक्ष्मण बनकर, अण्णा धुमाळ, आदी सहभागी झाले होते.
