साईमत लाईव्ह मुंबई प्रतिनिधी :
भाजप नेते मोहित कंबोज (Mohit Kamboj) यांनी काल एकामागून एक ट्विट करत राष्ट्रवादीचा बडा नेता तुरुंगात जाणार, घोटाळ्याच्या आरोपात जेलवारी होणार, असे ट्विट केले आहे. यावर राष्ट्रवादीच्या खासदार सुप्रिया सुळे (Supriya Sule) यांनी संताप व्यक्त करत कंबोज यांच्यावर निशाणा साधला आहे.
देश सोशल मीडियावरून चालत नाही, सभागृहात चालतो. ईडीसारख्यायंत्रणा स्वायत्त आहेत. मग असे असताना माहिती बाहेर जाते कशी, असा सवाल सुप्रिया सुळे यांनी उपस्थित केला. त्यामुळे मोहित कंबोज यांच्या ट्विटची अमित शाह (Amit Shah) यांनी चौकशी करावी, अशी मागणीही त्यांनी केली आहे.
दरम्यान राष्ट्रवादीचे अनिल देशमुख, नवाब मलिक तसेच शिवसेनेचे फायरब्रँड नेते संजय राऊत तुरुंगात असताना राष्ट्रवादीचा बडा नेता त्यांच्यासोबतच लवकरच तुरुंगात दिसेल, असा दावा मोहित कंबोज यांनी केला आहे. त्यानंतर राजकीय वर्तुळात उलट -सुलट चर्चा रंगल्या आहेत. कंबोज यांचा रोख नेमका कुणाकडे आहे याबाबतही चर्चा सुरु झाल्या आहेत.विरोधी पक्षनेते अजित पवार आणि राष्ट्रवादीचे नेते प्रफुल पटेल या दोन्ही नेत्यांची नावे ईडीच्या रडावर असल्याचे सांगण्यात येत आहे.
