पुस्तक प्रकाशन सोहळ्यात मान्यवरांच्या हस्ते पुरस्काराचे वितरण
साईमत/न्यूज नेटवर्क/जळगाव :
चोपडा येथील मुक्ताई फाउंडेशनतर्फे दिला जाणारा राज्यस्तरीय ‘महाराष्ट्र भूषण’ पुरस्कार जळगाव येथील ज्येष्ठ साहित्यिक समाजसेविका इंदिरा जाधव यांना देऊन सन्मानित करण्यात आले. मुक्ताई फाउंडेशनतर्फे विविध क्षेत्रात उल्लेखनीय काम करणाऱ्या मान्यवरांना नुकतेच पुरस्कार प्रदान करण्यात आले.
त्यात साहित्य क्षेत्रात उल्लेखनीय काम करणाऱ्या तसेच समाजसेवेत वाहून घेणाऱ्या इंदिरा जाधव यांना राज्यस्तरीय महाराष्ट्र भूषण पुरस्कार देऊन सन्मानित करण्यात आले. मुक्ताई फाउंडेशनतर्फे झालेल्या राज्यस्तरीय दुसरे कवी संमेलन आणि पुस्तक प्रकाशन सोहळ्यात मान्यवरांच्या हस्ते पुरस्काराचे वितरण केले . हा पुरस्कार इंदिरा जाधव यांना प्राप्त झाल्याने त्यांचे साहित्य, सामाजिक क्षेत्र आणि मित्र परिवारातून त्यांचे कौतुक केले आहे.
