साईमत, जळगाव, प्रतिनिधी
येथील गोकुळधाम सोसायटी म्हणून ओळखल्या जाणाऱ्या वाघ नगरात आ.राजूमामा भोळे यांच्या आमदार निधीतून हायमास्टचे लोकार्पण परिसरातील नागरिकांच्या उपस्थितीत करण्यात आले. यावेळी परिसरात वृक्षारोपणाचा कार्यक्रमही घेण्यात आला. कार्यक्रमात प्रमुख पाहुणे म्हणून विकी जगदाळे, किरण लाडवंजारी, योगेश सपकाळे, हेमंत मंडोले, विशाल जगदाळे, भीमराव सुरदास, गोविंदा शुक्ला, सचिन माळी, महेंद्र उदमले आदींची होती.
रस्ते काँक्रिटीकरणाचे आश्वासन
वृक्षारोपणा संदर्भात सुनील वाणी यांनी महत्त्व विशद केले. वृक्ष नागरिकांना पाहिजे असल्यास ते मोफत आम्ही पुरवू, असेही त्यांनी सांगितले. याप्रसंगी आ.राजूमामा भोळे यांनी नागरिकांच्या समस्या लवकरात लवकर निराकरण करू. तसेच या भागातील रस्ते काँक्रिटीकरण करू, असे आश्वासन त्यांनी दिले.
याप्रसंगी कॉलनीतील रहिवासी पंकज बारी, विलास सुरवाडे, ईशान तडवी, ज्ञानेश्वर पवार, निलेश सोनवणे, गिरीष चौधरी, अमित तडवी, विनोद चौधरी आदी उपस्थित होते. सूत्रसंचालन सामाजिक कार्यकर्ते भूषण लाडवंजारी तर शिरीष तायडे यांनी आभार मानले.
