नियमित योगा केल्याने शरीरातील ताणतणाव होतो दूर
साईमत/साक्री/प्रतिनिधी :
येथील विद्या विकास मंडळ संचलित जिजामाता कन्या विद्यालयात शनिवारी, २१ जून रोजी योग दिन उत्साहात साजरा करण्यात आला. याप्रसंगी विद्यालयातील शिक्षक, विद्यार्थी यांनी विद्यालयाच्या मैदानावर योगासनाचे विविध प्रकार प्रात्याक्षिकाद्वारे करुन योगाचे धडे घेतले.
नियमित योगा केल्याने शरीरातील तणाव कमी होतो. शरीर मजबूत, एकाग्रता वाढते तसेच लवचिक होते. विविध आसने केल्याने स्नायू बळकट होतात. शरीराची हालचाल करण्याची क्षमता वाढते. त्यामुळे शारीरिक आणि मानसिक आरोग्य सुधारण्यासाठी योग साधनेचे विशेष महत्त्व असल्याचे विद्यार्थिंनींना मार्गदर्शन केले.
आंतरराष्ट्रीय पातळीवर योगा पोहचूून भारताचे नावलौकिक होण्याच्या दृष्टीने संपूर्ण भारत देशात आंतरराष्ट्रीय योग दिन साजरा केला जातो. यानिमित्त विविध योगासने करून विद्यार्थिनींसह शिक्षकांनीही योग दिन साजरा केला. याप्रसंगी विद्यालयाच्या मुख्याध्यापिका श्रीमती व्ही.पी.पवार तसेच सर्व शिक्षक, शिक्षकेतर कर्मचारी, विद्यार्थिनी उपस्थित होत्या.
