मुख्याधिकाऱ्यांंच्या विद्यार्थी हिताच्या उपक्रमाचे कौतुक
साईमत/पाचोरा/प्रतिनिधी :
पाचोरा नगरपरिषद संचलित महात्मा गांधी सार्वजनिक वाचनालय वास्तूमध्ये स्थलांतरीत केले आहे. शहरातील विद्यार्थ्यांना एक मोलाची भेट नगरपालिकेने दिलेली आहे. त्यामुळे महाराष्ट्र दिन आणि कामगार दिनाचे औचित्य साधून आ. किशोर पाटील यांच्या हस्ते आधुनिक ई-लायब्ररीचे उद्घाटनासह लोकार्पण करण्यात आले.
मुख्याधिकारी मंगेश देवरे यांनी विद्यार्थ्यांना ई-लायब्ररी अंतर्गत देशातील अग्रगण्य स्पर्धा परीक्षाकरीता तयारी करुन घेणाऱ्या नामांकित संस्थांच्या वक्त्यांची लेक्चर उपलब्ध करुन दिली आहे. त्यांच्या अशा स्तुत्य उपक्रमाचे कौतूक करतांना आमदार म्हणाले की, मुख्याधिकारी हे नेहमीच नाविन्यपूर्ण उपक्रम राबवित असतात. त्यांनी ई-लायब्ररीसारखा उपक्रम नगरपालिकेच्या वाचनालयात आणून ग्रामीण भागातील विद्यार्थ्यांना मोठ्या शहरात न जाता गावात राहून नामांकित स्पर्धा परीक्षा केंद्रांची अभ्यासाची भाषणे ऑनलाईन पध्दतीने उपलब्ध करुन दिली आहे. त्यामुळे त्यांची गैरसोय दूर होऊन गरजू विद्यार्थ्यांना दिलासा दिला आहे.
यांची होती उपस्थिती
कार्यक्रमाला माजी नगराध्यक्ष संजय गोहील, भाजपाचे जिल्हा उपाध्यक्ष मधुकर काटे, तहसीलदार विजय बनसोडे, नायब तहसीलदार कुमावत, रणजीत पाटील, श्री. मोरे, स्विय सहाय्यक राजेश पाटील, पत्रकार सुनील पाटील, प्रवीण ब्राह्मणे, उपमुख्याधिकारी दुर्गेश सोनवणे, नगर अभियंता भैय्यासाहेब पाटील, कार्यालयीन अधीक्षक चैतन्य राऊत, संगणक अभियंता मंगेश माने, विद्युत अभियंता योगेश रेवेकर, प्रसाद पटारे, शशिकांत भालेराव, आरोग्य निरीक्षक तुषार नकवाल, पाणी पुरवठ्याचे अभियंता श्रुतीका धात्रक आदी उपस्थित होते.
सुत्रसंचालन ललित सोनार तर आभार सहायक ग्रंथपाल शाम ढवळे यांनी मानले. यशस्वीतेसाठी सहायक ग्रंथपाल शाम ढवळे, गजानन पाटील आदींनी परिश्रम घेतले.
