साईमत, धरणगाव : प्रतिनिधी
तालुक्यातील डॉ. हेडगेवार ग्रामपंचातीच्या निवडणुकीसाठी शुक्रवारी, १ सप्टेंबर रोजी सकाळी ११ वाजता आरक्षण सोडत जाहीर करण्यात आली. तीन प्रभागासाठी तीन सदस्य अशा ९ जागांसाठी ही निवडणूक होणार असल्याची माहिती निवडणूक निर्णय अधिकारी भरत पारधी यांनी दिली. याप्रसंगी तलाठी विनोद पाटील, कोतवाल तरबेज खाटीक यांच्यासह ग्रामस्थ उपस्थित होते.
धरणगाव तालुक्यातील डॉ. हेडगेवार ग्रामपंचायतीसाठी ९ ग्रामपंचायत सदस्यांना निवडून द्यायचे आहे. त्यानंतर आरक्षणानंतर लोकनियुक्त सरपंचपदाची निवड करण्यात येणार आहे. त्यापूर्वी ग्रामपंचायत निवडणुकीत मतदारांची संख्या २ हजार १४६ असून पुढील निवडणूक कशी असणार आहे याबाबत शुक्रवारी, १ सप्टेंबर रोजी सकाळी ११ वाजता ग्रामसभा घेवून आरक्षण सोडत जाहीर करण्यात आली. ही निवडणूक २०११ च्या जनगणनाच्या निकषानुसार होणार असल्याने उपस्थित नागरीकांमध्ये गोंधळ निर्माण झाला होता. निवडणुकीत मतदारांची संख्या वाढविण्यासाठी कोणत्याही उपाययोजना केलेल्या नाही, असा आरोप काही ग्रामस्थांनी केला.
