साईमत जळगाव प्रतिनिधी
तालुका शेती संघाच्या चेअरमन पदी शिवसेनेचे ( शिंदे ) ब्रिजलाल पाटील तर व्हाईस चेअरमन पदी राष्ट्रवादीचे ( पवार गट) अनिल पाटील यांची बिनविरोध निवड करण्यात आली. तालुका शेती संघाच्या निवडणुकीत सर्वपक्षीय पॅनल बिनविरोध झाले होते. त्यात राष्ट्रवादी शरद पवार गट, शिंदे सेना बीजेपी, बीआरएस यांनी एकत्र येऊन बिनविरोध पॅनल निवडून आणले होते, त्यात शिंदे सेनेचे पाच, शरद पवार गटाचे पाच, भाजपचे तीन व बीआरएसचे दोन असे १५ संचालक निवडून आले होते.
चेअरमन निवडीत शिंदे गटाचे बिजलाल पाटील (धानवड) तर व्हाईस चेअरमन पदी राष्ट्रवादी शरद पवार गटाचे अनिल पाटील ( ममुराबाद ) यांची बिनविरोध निवड करण्यात आली. यावेळी सर्व नवनिर्वाचित संचालक उपस्थित होते.
सदर निवडणूक बिनविरोध करण्यासाठी जिल्ह्याचे पालकमंत्री ना. गुलाबराव पाटील, माजी पालकमंत्री गुलाबराव देवकर, भाजपचे जिल्हाध्यक्ष ज्ञानेश्वर महाराज जळकेकर, बीआरएसचे लक्ष्मण पाटील (लकी टेलर ), राष्ट्रवादी सहकार विभागाचे वाल्मीक पाटील, जिल्हा मार्केटिंगचे संचालक रमेश पाटील, अनिल भोळे, जितू पाटील, शिवदास पाटील, दिलीप चव्हाण, डॉ. अरुण पाटील, गोकुळ चव्हाण, योगरज सपकाळे, भाजपचे तालुकाध्यक्ष हर्षल चौधरी, बापू परदेशी, युवक तालुकाध्यक्ष बंटी चव्हाण आदींनी प्रयत्न केले.