सुरेशदादा जैन बी फार्मसी कॉलेजचा भूषण मगरे तायक्वांदो स्पर्धेत चमकला
साईमत/जामनेर/प्रतिनिधी
जळगाव कवयित्री बहिणाबाई चौधरी विद्यापीठ व जळगाव विभाग यांच्या संयुक्त विद्यमाने रावेर येथील व्ही.एस.नाईक महाविद्यालयात आंतर महाविद्यालयीन जिल्हास्तरीय तायक्वांदो स्पर्धेचे आयोजन केले होते. आंतर महाविद्यालयीन जिल्हास्तरीय तायक्वांदो स्पर्धेत जामनेर येथील सुरेशदादा जैन बी फार्मसी कॉलेजच्या तीन वर्षाला शिक्षण घेत असणारा खेळाडू भूषण मगरे याने द्वितीय क्रमांक प्राप्त केला.
त्याची रावेर येथे होणाऱ्या आंतर महाविद्यालयीन विभागीय स्पर्धेसाठी निवड झाली आहे. भूषण मगरे यास प्रा.पियूष महाजन यांचे मार्गदर्शन लाभले. या यशाबद्दल जामनेर तालुका एज्युकेशन सोसायटीचे सचिव सुरेश धारिवाल, सर्व संचालक मंडळ, सुरेशदादा जैन बी फार्मसी कॉलेजचे प्राचार्य डॉ. शशिकांत बऱ्हाटे, सर्व प्राध्यापक, कर्मचारी यांनी अभिनंदन केले आहे.
