महिलांनी धार्मिक गीतांवर धरला ठेका
साईमत/फैजपूर/प्रतिनिधी
येथील कै. दयावती कन्हैयालाल वर्मा यांच्या स्मरणार्थ नवरात्रोत्सवानिमित्त संभाजी राजे दुर्गोत्सव मित्र मंडळ, साई ग्रुपतर्फे माता जागरण व भजन संध्या कार्यक्रमाचे आयोजन केले होते. त्यात बऱ्हाणपूर येथील रोशनी चांदवानी, विशाल उंद्कारे यांच्यासह त्यांच्या इतर मंडळींनी कार्यक्रमास उपस्थिती देऊन माता रानी यांची भक्ती गीत व इतर भक्ती गीत सादर करून उपस्थितांचे लक्ष वेधून घेतले. अतिशय सुंदर अशा धार्मिक कार्यक्रमांवर गीता सादर करून महिलांनी गीतांवर ठेका धरला. यावेळी अतिशय भक्तिमय वातावरण निर्माण झाले होते.
याप्रसंगी अखिल भारतीय संत समितीचे कोषाध्यक्ष महामंडलेश्वर स्वामी जनार्दन हरीजी महाराज, खंडोबावाडी देवस्थानचे गादीपती पवन दासजी महाराज यांची विशेष उपस्थिती होती. त्यासोबत माजी नगराध्यक्ष पांडुरंग सराफ, माजी उपनगराध्यक्ष हेमराज चौधरी, माजी नगराध्यक्ष आशालता प्रमोद चौधरी आदी उपस्थित होते.
